2008 елның башында «Сәләт» яшьләр үзәге каршысында Махмутова Аделя Викторовна инициативасы белән һәм үзенең үк җитәкчелегендә «Дәрт» хор-студиясе оештырылды.

Студия эше хорда җырлауның популярлыгын арттыруга һәм эстетика сәнгатен пропагандалауга юнәлдерелгән. Әлеге проектның мөһим төзүчеләре — гармония, матур яңгыраш, тигезлек.

Хор-студиянең төп репертуары — халык җырлары, хорда катнашучылар аларны профессиональ осталык белән башкара. «Дәрт» хор-студиясе «Сәләт»тәге һәрбер чарада актив катнашып килә, алар башкарган җырлар күңелгә үтеп керә һәм эстетик тәрбия бирә.