Кто поймал птицу «Сәмрух-2019»?

1 20.02.2020

«Piramida» kontsertlar zalında «Sämrux-2019» Respublikaküläm sälätle balalar häm yaşlär premiyase tapşıru tantanası uzdı. Inde bişençe el rättän älege premiya "Sälät" moxitendä kaynap, respublika häm Rossiya külämendäge çaralarda yugarı däräcälärgä ireşkän aktiw balalarga, yaşlärgä, "Sälät" Klublarına, alannarga birelä. 

«Piramida»dagı atmosfera binanıñ tışına uk çıkkan ide. Distälägän sälkeş, äydamannar, başcitäklär, ostazlar – härkem dä monda üz-üzen irken, küñelen kiñ tota. "Sälät" moxite härwakıttagıça cılı häm pozitiw bulıp kala.  

Nihayat, tamaşa başlanıp kitte. Säxnädä alıp baruçılar – Ramil Şäräfiew häm Gölnaz Säfärowa.  Kilgän kunaklarnı sälamläp, berençe bulıp süzne "Sälät"neñ iñ ölkän häm möhim keşese -  Ädip Älmirgä birdelär.

- Bezdä härkön bäyräm diyargä bula, çönki nindi genä eşkä, proektlarga alınsak ta, bezneñ öçen ul zur şatlık. "Sälät" moxitendä «bäläkäçlär»dän başlap, inde ministerstwo yaki başka laeklı urınnarda eşli birgän şäxeslär äylänä. Sezgä zur räxmätläremne belderäsem kilä, - dip zalga möräcägat itte Cäüdät abıy Söylämanow.

Ozak suzmıyça, premiyalärne nominantlarga birä başladılar. «Sämrux» 8 törle nominatsiya buença tapşırıla. «Piramida» säxnäsenä mener öçen, baştan härber nominant dürt saylap alu etapların uza. Süz uñaennan, bıel konkurska 67 gariza kabul itelgän ikän, şunıñ 50se genä portfolio nigezendä saylap alıngan. 

«El äydamanı» nominatsiyasendä ciñüçe bulıp «Sälät-Saba» alanı äydamanı Gölnaz Gatina bilgelände. «El ölkän äydamanı» nominatsiyasendä ciñüçe Zärinä Xälilowa! «El direktorı» nominatsiyasenä ciñüçe – Alsu Ganeewa buldı. Iñ sälätle kuldaşlar «Sälät – Sanak» alanında ikän! Alar - Ädilä Kamalowa belän Ilnur Zinnätow. «El klubı» nominatsiyasendä «Sälät-Yaşel Üzän» klubı ciñü yauladı! «Sälät cırlıy» nominatsiyasendä «Sälät dönyası» cırı ciñü yauladı. Awtorları - Miläüşä Gomärowa häm Ädilä Kamalowa. «El sälkeşe» nominatsiyasendäge laeklı ciñü Rälinä Fawarizowaga eläkte. Häm premiyaneñ yözek kaşı – «El alanı nominatsiyase» ciñüçese - Miläüşä Siraciewa citäkçelegendä eşli birgän «Sälät-Yar Çallı» alanı! Ciñüçelärneñ barsına da diplom, Sämrux koşı sını, akçalata häm başka büläklär tapşırıldı. 

Gomumän alganda, Sälätneñ dusları küp: kompozitor, biyuçe, tel ostası bulsınmı ul. Älege premiyadä dä alarnı kürergä nasıyp buldı. Premiya tapşırgan arada Elmir Nizamow fortepianoda üzeneñ kompozitsiyasen tamaşaçılarga büläk itte. Marsel belän Mariya Nuriewlar da çıgışları belän kiçäne tulılandırdı. Şul uk arada ütkän cäyneñ forumı gimnı da başkarılıp, zalga sibelgän sälkeşlärne urınnarınnan kuzgatıp, biergä mäcbür itte. 

«Sämrux-2019» yubiley elı bulganga oeştıruçılar tarafınnan maxsus  nominatsiyalär dä buldı. Sälät dönyası üseşenä zur öleş kertkännäre öçen, maxsus «Sälät stipendiyase» belän Timerxan Şäyxetdinow, Aliya Mirmiewa, Ilnaz Nasrtdinow büläklände. «Forum başcitäge» isemenä Räfis Xälilow laek buldı. 
«El ostazları» nominatsiyasendä öç ostaz büläklände. Alar isä: «Sälät» fondınıñ baş xisapçısı, 1994-nçe eldan uk bezneñ belän bulgan Roza Sitdik kızı Stepanowa; Tatarstan Respublikası Alekseewsk munitsipal rayonı başlıgı urınbasarı, Nikolay Petrowiç Çurin häm Tatarstan Respublikası Däülät Sowetı deputatı, Iktisad, inwestitsiyalär häm eşkuarlık komitetı räise Lotfulla Nurislam ulı Şäfigullin.

Alda iskärtelgänçä, Sälät dustanä mönäsäbätlär belän bik gorurlana. El däwamında proektlarnı çınga aşırırga bulışkan partnerlarına aerım «El partnerı» digän isem dä äzerlänelgän ide. Älege nominatsiyadä büläklängän şäxeslär iseme: «TR gazlaştıru, energiya saklau texnologiyaläre häm injenerlık çeltärlären üsterü fondı» Däülät kazna uçrejdeniese häm anıñ citäkçese Cäüdät Midxät ulı Miñnäxmätow häm «SMP - Neftegaz» aktsionerlık cämgıyate häm anıñ citäkçese Albert Şäükät ulı Kamarow.

Tantananıñ töp öleşe fleşob belän tämamlanıp, uzıp ta kitte. Annan soñ zaldagı barlık kunaklar xollga çıgıp, aralaştılar, fotoga töştelär häm, älbättä, cäy kaytawazı bulıp torgan törle-törle sörännär dä bersennän-berse katırak yañgıradı.

Menä şuşındıy näticälär belän tämamlandı «Sämrux-2019». Ä bit ber dä «Oskar»dan kim tügel. Küläme häm maksatları gına aerıla. Niçek bulsa da, tatar yaşlärenä mondıy bäygelär barı tik alga barır öçen stimul gına. Şunısı şatlandıra: respublikada aktiw yaşlär sanı artıp tora. «Sälät»neñ dä öleşe zur. Sälät, ex, şäp!

Çıganak: «Şähri Kazan»

Awtor: Alsu Mansurowa


Wozwrat k spisku