СИНЕҢ ЙОЛДЫЗЛЫ СӘГАТЕҢ: СӘЛӘТ ЧАКЫРА!

SINEÑ YOLDIZLI SÄGATEÑ: SÄLÄT ÇAKIRA! 13.03.2020

Mäkalälär, şigırlär, çäçmä äsärlär... Icat cimeşläreñ haman kompyuter papkasında saklanamı? Ädäbi geroylarıñnı häm temalarıñnı başkalar da belergä tieş bit inde! «Sälät» oeştıra torgan «Sälätkä nur bulgan yoldızlar» bäygese yaş yazuçı, dramaturg häm şagıyrlärneñ kabat üzenä däşä! Katnaşasıñ, şulay bit?!

SINEÑ «YOLDIZLI» SÄGATEÑ!

«Sälät» oeşması här yaznı ädäbi bäygegä bagışlıy! Flüs Latıyfi isemendäge IX «Sälätkä nur bulgan yoldızlar» bäygese menä inde tugız el rättän tatar telendä icat itä torgan ukuçılarnı barlıy. Bu gadi genä bäyge tügel, ä üzençälekle icadi laboratoriya. Monda sineñ äsäreñne analizlap kına kalmıylar, alga taba icat itärgä yunäleş birälär. 

Kem katnaşa?

Konkursta mäktäp ukuçıları da, studentlar da – katnaşa ala. Nigezlämädä yazılgança, bäygegä 11 yaştän alıp, 22 yaşkäçä icat itä torgan sälätlelär cälep itelä. Kaläm tibrätüçe yaşlär şigriyat, çäçmä äsär, dramaturgiya, balalar ädäbiyatı häm publitsistika nominatsiyalärendä köç sınaşa. Finalga uzgan icatçılar «Sälät yortı»nda başka konkursantlar belän tanışa alaçak. Äsärlär jyuri ägzaları tarafınnan bäyalänäçäk. Ciñüçelärne diplomnar häm büläklär kötä. Oeştıruçılarnıñ sin cibärgän yazmalarnı mäglümat çaralarında çıgarırga xokukı bar. Şuña kürä «Yalkın»nıñ bitlärenä dä elägep bula äle!

Katnaşır öçen nişlärgä kiräk?

Iñ berençe itep selet.biz saytında gariza kaldırırga kiräk. Berniçä nominatsiyadä köçeñnı sınap kararga da bula. Gariza cibärgäç, icadi eşlärne selet.nur@gmail.com adresına yullarga kiräk. Alarnı 1 aprelgä kadär kabul itälär. Äsärläreñne Tatarstan Yazuçılar berlege ägzaları, şagıyrlär, yazuçılar, jurnalistlar tikşeräçäk. Finalga ütäseñ ikän, 17 aprel könne sine Kazannıñ Ostrowskiy, 23 uramı buença «yoldızlı sägateñä» kötäçäklär!

Nigezlämä:

https://clck.ru/MSu6F



Wozwrat k spisku