Сәләт – 30 лет

Bıel Sälätneñ 30 ellık yubilee. Kazan däülät uniwersitetınıñ entuziast-ukıtuçıları initsiatiwası belän 1994 elda Arçada 65 bala katnaşında berençe ukıtu-sälamätländerü lagerennan başlangan «Sälät» xäräkäte Tatarstan Respublikasınıñ 25 meñnän artık sälätle balasın häm yaşlären, Rossiya Federatsiyaseneñ unnan artık töbägen, şulay uk çit illärne üz proektlarına cälep itüçe sotsial-pedagogik komplekska kadär utızellık üseş yulı ütte, dip xäbär itä xäräkätneñ matbugat üzäge.

Bıel «Sälätle Cäy» yal itü kampaniyase kısalarında, gadättägeçä, profille smenalar, töbäkara çatırlı «Bolgar –Tugan tel» alanı, XIII Xalıkara «Sälät» yaşlär uku-ukıtu forumı häm «Iske Kazan» cıenı uzaçak. Tatarstan, Başkortstan, Çuwaşiya häm Kırım bazalarında 25 cäyge profille smena uzuı planlaştırılgan. Alannarda 7 yaştän alıp,18 yaşkä kadärge balalar häm yaşüsmerlär katnaşaçak. 

15 iyunnän 21 iyungä kadär Bilär cirlegendä uzaçak töbäkara çatırlı «Bolgar –Tugan tel» alanınıñ programması tatar telen, mädäniyaten öyränügä, telneñ törle ölkälärdä gamäli kullanışın arttıruga yunältelgän.

24 iyunnän 9 awgustka kadär Bilär tarixi-arxeologik muzey-tıyulıgı territoriyasendä XIII Xalıkara «Sälät» yaşlär uku-ukıtu forumı uzaçak. TR Räise Röstäm Miñnexanow yardäme belän uzdırıluçı yaşlär proektı Tatarstan rayonnarınnan 14 000 sälätle balanı, ostazlarnı, Rossiyaneñ başka töbäklärennän häm çit illärdän watandaşlarnı berläşteräçäk. Forum kısalarında törle yunäleşlär häm profillär buença altı smena ütüe kötelä. Belem birü, mädäni häm sport programmaları uzdırılu planlaştırıla. Tatarstannıñ häm Rossiyaneñ aldıngı belgeçläre, muzıkantları, artistları üz täcribälären forum katnaşuçılarına citkeräçäk. 

Forum HÖNÄRLÄR BILÄR FORUM (Remesla / Junior skills) smenası belän 24 iyundä açılaçak, ul 28 iyungä kadär däwam itäçäk. Älege smena kısalarında katnaşuçılar üzlären räsem sängate häm sketçingtan alıp mobil robototexnika häm neyrotexnologiyalärgä kadär törle ölkälärdä sınap karıy alaçak. 

Iñ icadi smena ICAT BILÄR FORUM (Tworçestwo / Arts) – balalarnıñ, yaşlärneñ häm alarnıñ ostazlarınıñ öç yunäleş: muzıka, biyu, teatr buença potentsialların açıklau, tormışka aşıru häm üsterü öçen unikal mäydançık. Ütkärelü wakıtı: 1 – 7 iyul. 

Öçençe smena SÄLÄT BILÄR FORUM (Selet / Selet), gadättägeçä, Sälätneñ cäyge profille smenalarına saylap alunı ütkän sälätle balalarnı häm yaşlärne berläşteräçäk. 9 iyuldän 14 iyulgä kadär katnaşuçılar yaña hönäri mömkinleklär turında belä alaçak.

MÄGLÜMATI TEXNOLOGIYaLÄR BILÄR FORUM (Informatsionnıe texnologii / Information Technologies) mäglümati texnologiyalär keşe tormışınıñ böten ölkälärendä dä möhim rol uynawına ışanuçılarnı berläşteräçäk. Anıñ kısalarında geymifikatsiya aşa forumnıñ töp yunäleşlären: IT häm mägarif, IT-trendlar, IT häm biznes, digital-hönärlär açuçı profille ostaxanälär häm uku-ukıtu mäydançıkları gamälgä aşırılaçak. Smenanıñ ütkärelü wakıtı: 18 – 24 iyul.

Bişençe smena MEDIA BILÄR FORUM (Media) – sotsial mediaresurslar belän eşläü öçen kiräkle bulgan aktual korallarga bagışlangan smena. 27 iyuldä 2 awgustka kadär icadi laboratoriyalär formatında uzaçak smenada katnaşuçılar media dönyası belän tanışıp, algan belemnären häm künekmälären gamäldä sınap karıy alaçak.

Forumnı yomgaklauçı ALDINGILAR BILÄR FORUM (Perwıe / Forward) cmenası 5–9 awgust könnärendä ütä. Rossiyaneñ «Aldıngılar xäräkäte» balalar häm yaşlär xäräkäte belän berlektä oeştırılaçak. Smenada 800 aktiwist bala katnaşır dip kötelä. Programma kısalarında ukuçılar törle ictimagıy oeşma wäkillärennän, törle ölkälärdän kilgän professionallardan uku-ukıtu ostaxanäläre uza alaçak.

Forumda ukıtuçılar häm icat kollektiwları citäkçeläre öçen «Ostaz» uku-ukıtu programması oeştırıla. Proekt kısalarında balanıñ şäxesen üsterü, tatu kollektiw buldıru häm anı üsterü temalarına bagışlangan sessiyalär häm ostaxanälär uzaçak.
Şulay uk «Canlı Sälät» (SeletLive) turı efirlar studiyase aşa här telägän keşe, öennän çıkmıy gına da, forumnıñ onıtılmaslık moxitenä çuma häm Bilär territoriyasendä bargan wakıygalarnı küzätä alaçak. Translyatsiyalär forumnıñ WKontakte häm YouTube räsmi akkauntlarında alıp barılaçak. 

17 awgustta Biektau rayonında urnaşkan Iske Kazan muzey-tıyulıgında «Iske Kazan» cıenı ütkärelä. Ul goref-gadätlärne saklauga häm tugan yak tarixın öyränügä, yaş buınnıñ tatar xalkınıñ tugan telenä häm mädäniyatenä igtibarın arttıruga häm tugan cir tabigatenä, tarixına häm mädäniyatenä, duslıkka, mädäniyatara häm etnikara aralaşuga karata ixtiramın arttıruga häm mäxäbbät ruxın tärbiyaläügä yunältelgän. Biredä kön däwamında muzey-tıyulık territoriyasendä «Hönärlär yarminkäse» eşläyaçäk, anda balalar Tatarstan Respublikasınıñ tanılgan dizaynerları belän berlektä törle traditsion eşlänmälär yasıy, üz icatın häm äzer eşlänmälärne festiwaldä katnaşuçılarga täkdim itä alaçak.

Tulırak: https://magarif.tatar/news/headlines/salatka-30-ias