Иҗат Биләр Форум (Творчество/Arts) башланды!

Bilärdä küptän kötelgän wakıyga: XIII Xalıkara «Sälät» yaşlär uku-ukıtu forumınıñ iñ icadi häm kreatiw smenası – Icat Bilär Forum (Tworçestwo/Arts) ber eldan soñ borıngı Idel bue Bolgar başkalasında yañadan talantlı balalarnı cıydı. Forumnıñ tagın ber üzençälege: katnaşuçılırnıñ icadi wideowizitkalar yardämendä maxsus saylap alu etabın uzu. Smenanıñ töp missiyase – şäxesne üsterü häm icat tiräsendä talantlı yaş keşelärne berläşterü, ä moña smena azagında kürsäteläçäk unikal proekt yardäm itäçäk. Smena 7 iyuldä tämamlanaçak.

2018 eldan smena laboratoriyalär formatında uza, ämma monda ximiyadän katnaşuçılar häm sängat arasında bulgan ximiyane genä küzätep bula. Monda härkem üzenä oşagan şögıl taba: biyu yunäleşen saylıy, könnärne muzıkaga bagışlıy yaisä üzen çın teatr artistı itep toya. Tatarstan Respublikası häm başka töbäklärneñ äydäp baruçı ekspertları kiñäş kenä birep kalmayaçak, ä härkemneñ potentsialın açıp katnaşuçılarga maksatka ireşü yulların kürsätäçäk. Unikal lektsiyalär, ostaxanälär, icadi oçraşular häm treninglar Sälät dönyasına kerep kitü, yaña tanışlar tabu, ä iñ möhime – üz-üzeñne tabu öçen küper bulaçak.

Bıel 1200 dän artık gariza arasınnan 500 katnaşuçı saylap alındı, alar öçen forum däwamında 48 äydaman häm 6 direktor cawaplı bulaçak. Zur sannardan tış kiñ geografiyagä dä igtibar itik: smena Tatarstan Respublikası, Başkortostan Respublikası, Çuwaşiya Respublikası, Ulyanowsk ölkäse, Samara ölkäse, Irınbur ölkäse, Mäskäü häm Sankt-Peterburg şähärlärennän balalarnı cıydı. Rossiyaneñ törle noktalarınnan kilgän katnaşuçılar, gomumi tırışlık belän icadi proekt buldıru öçen, üzläreneñ ostazları belän komandalarga berläşäçäklär.

Muzıkal yunäleşne üz kanatı astına wokal buença ostaz, I.Äüxädiew isemendäge Kazan muzıka uçilişçesı ukıtuçısı, wokal nomerlar kuyuçı Liya Magnaweewa alaçak. Xoreograf-kuyuçı, biyuçe, yugarı kategoriyale ostaz, «INDIGO» biyu kollektiwı citäkçese Wenera Galimowa contemporary dan house ka kadär barlık biyulär öçen cawaplı bulaçak. Kazan Yaş tamaşaçı teatrı aktrisası häm rejisserı, Kazan teatr uçilişçesı ostazı Liliya Nurel teatr yunäleşen citäkliyaçäk häm Stanislawskiynıñ legendar  «ışanmıym!» gıybaräsennän kotkaraçak.

Katnaşuçılar öçen ostaxanä häm icadi oçraşularnı biyuçe Aida Şäyxetdinowa, aktrisa Ekaterina Lisoçenko, biyu rässamı Tatyana Şçerban, kompozitorlar Miläüşä Xäyrullina häm Timur Wäliew, pedagog Landış Fättaxowa, akterlar Artur Şäydullin, Bulat Gataullin häm Ilnur Garifullin, rejisserlar Kamil Gataullin, Aydar Cabbarow, kloun Ruslan Rimanas häm başkalar ütkäräçäk.

Ukırga häm üsärgä berkayçan da soñ tügel! Sälät talantlı balalarnı gına tügel, ölkänräk icat fanatların da cälep itä. Forumda kollektiw citäkçeläre öçen maxsus «Ostaz» proektı eşläp kilä. Programma kısalarında uñışka ireşü, aldagı buınnarga traditsiyalärne saklau häm tapşıru, tawış köyläü häm başka temalarga bagışlangan ostaxanälär häm laboratoriyalär bulaçak.

«Ostaz» proektı spikerları häm ekspertları arasında Tatarstannıñ häm Rossiyaneñ aldıngı mädäniyat häm sängat eşlekleläre – Ekaterina Gurewa, Almaz Sämigullin, Ruslan Zakirow, Gölşat Nugaybekowa, Aysılu Äxmätşina, Nurbäk Batulla, Dinä Safina, Landış Fättaxowa, Olga Goryunowa häm Wenera Galimowa bulaçak.

Teläk beldergän, ämma smenada katnaşa almagan keşelär öçen üz eşen «Canlı Sälät» turı efirlar studiyase däwam itäçäk. «Sälät»neñ WKontakte häm YouTube räsmi akkauntlarında oeştırılaçak translyatsiyalär härkemne Bilärgä alıp kaytaçak häm icat atmosferasına çumarga yardäm itäçäk.

Icat Bilär Forum – ul millionlagan mömkinleklär, unikal ostaxanälär, üz-üzeñne üsterü, cılı kiçlär, balalarnıñ kölüläre, ekspertlardan kiñäşlär, yaña tanışular, dönyaga karaşnı kiñäytü, ä iñ möhime - onıtılmaslık xis-kiçereşlär. Smenadan härkem zur bagaj belän belem häm icat därte belän kitäçäk.

Xalıkara «Sälät» yaşlär uku-ukıtu forumı Tatarstan Respublikası Xökümäte, TR Yaşlär eşläre ministrlıgı häm TR Mägarif häm fän ministrlıgı yardäme belän uzdırıla.

Tulırak: https://sahne.ru/news/xeberler/iat-bilar-forum-tvorcestvoarts-baslandy