БИЛӘРДӘ СӘЛӘТНЕҢ ИҢ КРЕАТИВ ФОРУМЫ – «ИҖАТ БИЛӘР ФОРУМ» ГӨРЛӘДЕ

Bilärdä 1 iyuldän başlap 7 iyulgä kadär XIII Xalıkara «Sälät» yaşlär uku-ukıtu forumınıñ iñ icadi häm kreatiw smenası – «Icat Bilär Forum» uzdı. Smenanıñ töp missiyase – şäxesne üsterü häm icat tiräsendä talantlı yaş keşelärne berläşterü, ä moña smena azagında kürsäteläçäk unikal proekt yardäm itte.

Bıel 1200 dän artık gariza arasınnan 500 katnaşuçı saylap alındı, alar öçen forum däwamında 48 äydaman häm 6 direktor cawaplı ide. Zur sannardan tış, forumnıñ geografiyase dä kızıklı – smenada Tatarstan, Başkortostan, Çuwaşiya, Ulyanowsk, Samara, Orenburg, Mäskäü häm Sankt-Peterburgtan balalar cıeldılar. Rossiyaneñ törle noktalarınnan kilgän katnaşuçılar, gomumi tırışlık belän icadi proekt buldıru öçen, üzläreneñ ostazları belän komandalarga berläşep eşläde.

Biredä här bala üzenä oşagan şögıl taba – biyu yunäleşen saylıy, könnärne muzıkaga bagışlıy, yaisä üzen çın teatr artistı itep toya ala aldı. Tatarstan häm başka töbäklärneñ äydäp baruçı belgeçläre kiñäş kenä birep kalmadı, ä härkemneñ potentsialın açıp katnaşuçılarga maksatka ireşü yulların kürsätte. Ä unikal lektsiyalär, ostaxanälär, icadi oçraşular häm treninglar «Sälät» dönyasına kerep kitü, yaña tanışular buldıru, ä iñ möhime – üz-üzeñne tabu öçen menä digän mömkinlek buldı.

Bıelgı forumnıñ töp üzençälege – katnaşuçılarnıñ aña onlayn kuşılu mömkinlege. Teläk beldergän, ämma smenada katnaşa almagan üsmerlär öçen «Canlı Sälät» turı efirlar studiyase eşläde.

«Icat Bilär Forum» – bik küp mömkinleklär, unikal ostaxanälär, üz-üzeñne üsterü, cılı kiçlär, yaña tanışular, dönyaga karaşnı kiñäytü, ä iñ möhime – onıtılmaslık xis-kiçereşlär birgän forum.

Xalıkara «Sälät» yaşlär uku-ukıtu forumı TR Xökümäte, TR Yaşlär eşläre ministrlıgı häm TR Mägarif häm fän ministrlıgı yardäme belän uzdırıla

Tulırak: https://yalkyn.ru/news/belmi-kalma/bilarda-salatnen-in-kreativ-forumy-iat-bilar-forum-gorlade