Биләрдә Мәгълүмати технологияләр Биләр Форум башланды

22.07.2024

Bilär tarixi-arxeologik muzey tıyulıgı territoriyasendä XIII Xalıkara yaşlär uku-ukıtu forumınıñ dürtençe smenası — Mäglümati texnologiyalär Bilär Forum (Informatsionnıe texnologii / Information Technologies) başlandı. Anıñ ütkärelü wakıtı — 18 iyuldän alıp 24 iyulgä kadär. Biredä respublikanıñ törle töbäklärennän 800 gä yakın bala katnaşa, uku-ukıtu programmasında belem ala häm Sälät moxiten el buena üz küñellärendä saklıy.

Monda härkem törle. Här kön, här smena, alan, törkem, balalar törlelär. Şulay da üzgäreşsez kaluçı moxit el da ber urınga — Bilär cirenä däşä. Küñel häm yöräk tawışına iyarep, biregä kilüçelär bıelgı cäydä dürtençe smenaların başladılar. Ul smena mäglümati texnologiyalärgä bagışlana.

Mäglümat belän eş itä belü — bügenge zamannıñ töp östenlekläreneñ berse ul. Här kön bez yañalık diñgezendä yözäbez, sannar häm simwollar dönyasında kaynıybız. Mäglümatnı kabul itü, eşkärtü häm tapşıru öçen IT-ölkä cawap birä. Kiläçäktä üzeñne programmist itep küräseñme yaisä gadi sanak belän kullanuçı keşeme — IT buença belemnär härkemgä faydaga gına bulaçak. Şuña kürä dä älege smena mäglümati texnologiyalär keşe tormışınıñ böten ölkälärendä dä möhim rol uynawına ışanuçılarnı berläşteräçäk.

IT-ölkäneñ mömkinleklär häm yunäleşlär kiñlege şakkattırgıç! Üz tormışıña iñ kiräklesen häm ähämiyatlesen saylap alu öçen nibarı forumda uzuçı ostaxanälärdä katnaşırga kiräk. Şunda uk küzlär açılaçak. Mäglümati texnologiyalär Bilär Forum kısalarında geymifikatsiya aşa forumnıñ töp yunäleşlären: IT häm mägarif, IT-trendlar, IT häm biznes, digital-hönärlär açuçı profille ostaxanälär häm uku-ukıtu mäydançıkları gamälgä aşırılaçak. 

Belgeçlär katnaşında uzaçak diskussiya mäydançıkları katnaşuçılarnı mawıktırgıç tsifralı dönya belän genä tügel, eşmäkärlek yunäleşe belän dä tanıştıraçak. Şulay uk, smenada forum kısalarında el saen ütkärelä torgan maxsus «EkoSälät» proektı gamälgä aşırılaçak. Anıñ kısalarında «Ekologiya» temasına bagışlangan lektsiyalär, ostaxanälär, treninglar, uennar häm başka çaralar ütkäreläçäk.

Forumnıñ räsmi açılu tantanası härwakıttagıça märtäbäle kunaklarnıñ süzennän başlanıp kitte. Balalarnı Tatarstan Respublikasınıñ Fännär akademiyaseneñ Gamäli semiotika institutı direktorı Rinat Gıylmullin häm «Tattelekom» oeşmasınıñ däülät sektorı buença eşlär citäkçese Gölnaz Nurtdinowa sälamläde. Alar Sälät berläşmäsenä räxmät süzlären belderdelär, älege moxitneñ zarurilıgı xakında tagın ber kat bilgeläp üttelär.

«Bügenge köndä Tatrstanda bik zur mömkinleklär bar. Törle şartlar bar, törle däülät programmaları eşläp kilä. Minem teläklärem şul: şundıy ähämiyatle smenanı toep kalırga, yaña duslar tabarga, üzegezgä zur maksatlar kuep, şularga ireşergä tırışırga» — dip, biredä uzaçak cide köngä üz teläklären belderde Rinat abıy.

Şulay uk teläklären Gölnaz Nurtdinowa da östäde: «Keşelärneñ ber-berse arasında bulgan mönäsäbätläre — iñ kaderle kıymmätlär. Şuña kürä bu mönäsäbätlärne saklagız».

Smenada katnaşa almagan keşelär öçen üz eşen «Canlı Sälät» turı efirlar studiyase däwam itäçäk. WKontakte häm YouTube forumınıñ räsmi akkauntlarında translyatsiyalär härkemne Bilärgä alıp kaytaçak häm biredäge moxitkä çumarga yardäm itäçäk. Älege efirlarnı smenadan soñ da, telägän wakıtta kararaga mömkin.
Xalıkara «Sälät» yaşlär uku-ukıtu forumı Tatarstan Respublikası Xökümäte, TR Yaşlär eşläre ministrlıgı häm TR Mägarif häm fän ministrlıgı yardäme belän uzdırıla.

Tulırak: https://chelny-rt.ru/news/achyk-ishek/bilarda-magielumati-texnologiialar-bilar-forum-baslandy