Биләрдә «Сәләт» форумының медиа сменасы ачылды

30.07.2024 Bilärdä XIII Xalıkara «Sälät» yaşlär uku-ukıtu forumınıñ iñ ozın häm iñ küp sanlı katnaşuçılı smenalarınıñ berse — Media Bilär Forum start aldı, ul 2 awgustka kadär däwam itäçäk. Bu xakta forumnıñ piar bülege xäbär itä. 6 kön däwamında Bilär cire interwyular, foto häm wideoga töşerülär, podkastlar, trendlar häm, älbättä, icat belän tulaçak. Smenanıñ açılu tantanasın «Sälät» yaşlär üzäge direktorı Aygöl Gabdraxmanowa başlap cibärde. Ul forumnarnı oeştıruda yardäm kürsätüçelärgä räxmätlären citkerep, «Sälät» komandası belän tanıştırıp, «Sälät» proektları citäkçese Ädip Älmirdän sälamnärne citkerep, sälkeşlärgä häm äydamannarga uñışlar teläde. Bişençe smenada Samara, Irımbur, Mäskäü ölkäläre, Çuwaşiyadän, Sankt-Peterburgtan häm Tatarstannıñ barlık rayonnarınnan 823 bala katnaşa. Katnaşuçılar arasında — fän olimpiadaları, konferentsiyalär ciñüçeläre häm prizerları, töbäk «Sälät» klubları liderları häm Tatarstan Respublikası rayonnarı häm mäktäpläre aktiwistları. Media Bilär Forum — sotsial mediaresurslar belän eşläü öçen kiräkle bulgan aktual instrumentlarga bagışlangan smena. Icadi laboratoriyalär formatında uzuçı smenada katnaşuçılar media dönyası belän tanışıp, algan belemnären häm künekmälären gamäldä sınap karıy ala. Eş 6 yunäleştä alıp barıla: foto häm wideoprodakşn, sotsial çeltärlärne alıp baru, telewizion jurnalistika, bloging häm podkastlar. Smena kısalarında Tatarstan häm Rossiyaneñ äydäp baruçı belgeçlärennän ostaxanälär häm kızıklı lektsiyalär uza.

Çıganak: https://vatantat.ru/2024/07/148256/
© Watanım Tatarstan