РӨСТӘМ МИҢНЕХАНОВ: «СӘЛӘТ – БЕЗНЕҢ ПРИОРИТЕТТА»

Bügen Tatarstan Respublikası Räise Röstäm Nurgali ulı Miñnexanow XIII Xalıkara «Cälät» yaşlär uku-ukıtu forumınıñ altınçı, Rossiya balalar häm yaşlär xäräkäte «Aldıngılar xäräkäte» belän berlektä uzdırıla torgan smenası – Aldıngılar Bilär Forumda (Perwıe/ Forward) buldı.

Respublikabız Räise Aldıngılar Bilär Forum katnaşuçıları belän aralaştı, smenanıñ uku-ukıtu mäydançıkları belän tanıştı häm sälkeşlärgä möräcägat itte:

«Sezneñ kebek kızlar-egetlär bulganda, Tatarstannıñ kiläçäge uñay bulır. Respublikabızda küp proektlar gamälgä aşırıla, Sälät – bezneñ prioritetta. Bez näk menä sezgä tayanabız. Sälätkä telägem – kiñäergä!»

Smena Bilärdä, 5 awgusttan başlap, 9 awgustka kadär uza. Ul ukuçılarnıñ üzidaräsen häm komanda künekmälären üsterügä yunälderelgän. Uku-ukıtu programması xäräkätneñ 12 yunäleşe: mägarif, fän, xezmät häm hönärlär, mädäniyat, igeleklelek, watanpärwärlek, sport, sälamät yaşäü räweşe, media häm kommunikatsiyalär, diplomatiya, ekologiya häm turizm buença başkarıla. Aerım igtibar xäräkätneñ maxsus Tatarstanda gına bulgan yunäleşe – «Tugan tel, milli mädäniyat häm traditsiyalär»gä bagışlana. Aldıngılar Bilär Forum (Perwıe/ Forward) smenasında 800 bala katnaşa.

Xalıkara «Sälät» yaşlär uku-ukıtu forumı 24 iyunnän 9 awgustka kadär Bilär tarixi-arxeologik muzey tıyulıgı territoriyasendä uza. Ul Rossiyaneñ balalar öçen eşlängän iñ zur palatkalı lagere bulıp tora.

Forum wakıtında törle yunäleşlärgä bagışlangan altı smena: Hönärlär Bilär Forum (Remesla/Junior Skills), Icat Bilär Forum (Tworçestwo/Arts), Sälät Bilär Forum (Selet/Sälät), Mäglümati texnologiyalär Bilär Forum (Informatsionnıe texnologii/Information Technologies), Media Bilär Forum (Media/Media) häm Aldıngılar Bilär Forum (Perwıe/Forward) uza.

«Sälät» forumı – Tatarstan Respublikası Räise Röstäm Miñnexanow yardäme belän uzdırılıla torgan, töbägebezneñ yöze bulgan proektlarnıñ berse.

Bıel «Sälät» forumnarı Tatarstan Respublikasınıñ barlık rayonnarınnan häm Rossiya töbäklärennän kilgän 14000 balanı berläşterde.

Tulırak: https://yalkyn.ru/news/belmi-kalma/rostam-minnexanov-salat-beznen-prioritetta