Татарстан Рәисе: «Сәләт» хәрәкәте милли мәдәниятне саклауга зур өлеш кертә

07.08.2024 Tatarstan Räise Röstäm Miñnexanow Alekseewsk rayonınıñ Bilär awılı yanındagı «Sälät» forumı mäydançıgında buldı. Anı «Sälät» yaşlär üzäge DBU direktorı Aygöl Gabdraxmanowa, TR yaşlär eşläre ministrı Rinat Sadıykow, TR mägarif häm fän ministrı Ilsur Hadiullin, TR mädäniyat ministrı Irada Äyupowa ozata yörde. 2024 elda «Sälät» forumı böten Tatarstan Respublikasınnan, şulay uk Rossiya töbäklärennän häm yakın häm erak çit illärdän 14 meñgä yakın talantlı yaş wäkilen cıyaçak. Forum kunakları arasında: kürenekle fän, mädäniyat, sängat eşlekleläre, tanılgan cämägat eşlekleläre häm sportçılar. Barlık smenalar kısalarında äydäp baruçı ekspertlar häm galimnärdän, mädäniyat häm sängat eşleklelärennän oflayn häm onlayn master-klasslar, şulay uk hönäri künekmälär laboratoriyaläre, totrıklı üseş häm cämgıyatne tsifrlı transformatsiyaläü maksatları buença tematik mäydançıklar planlaştırılgan. Röstäm Miñnexanow forumnıñ festiwal mäydançıkları eşe belän tanıştı. Ul kulinariya ostaxanäsendä, tatar telen populyarlaştıru öçen IT-xäl iteleşlär buldıru buença belem birü laboratoriyasendä buldı.

Çıganak: https://vatantat.ru/2024/08/148684/
© Watanım Tatarstan