«Сәләт» всего 30 лет. Он только начал делать свои первые шаги...»

24.02.2025 Respublika «Sälät» yaşlär üzägeneñ iñ aktiw balaları häm yaşläre ber zalda jıelıp, premiyaneñ här nominatsiyadäge jiñüçe isemen belde.
«Sämrux» el premiyase – berläşmäbezneñ kulminatsion noktasınıñ berse. Berse cäyge alannar häm forumnar bulsa, ikençe – premiyane tapşıru tantanası. El däwamında üzlären aktiw kürsätkän sälätlelärne büläklibez häm dönyaga tanıtabız», - di «Sälät» yaşlär üzäge direktorı Aygöl Gabdraxmanowa. Çınnan da, «Sämrux» barlık sälätlelärne berläşterä, elga näticä yasıy, «Sälät»ne üstergän häm nıgıtkan keşelärgä räxmät äytä.

«Minem öçen «Sämrux» – zur gailä bäyräme. Monda Sälätkä katışı bulgan härkem kilep, dusları, äydamannarı, başcitäkläre, ostazları belän küreşä ala. – di Tatarstan Respublikası Räise yardämçese, «Aldıngılar xäräkäte» balalar häm yaşlär gomumrossiya ictimagıy-däülät xäräkäteneñ töbäk bülege Sowetı citäkçese Timur Söläymanow. Üzgäreşlär turında da üz fikeren belderde: «Sälät» üzgärä: şul uk nizamätlär, läkin el saen bez üsä barabız. «Sälät»kä äle 30 yaş kenä. Ul berençe adımnarın yasıy başladı gına äle. Şuña da här oçraşu, här premiya üzençälekle. Bıelgısı aeruça, çönki ul Piramida küñel açu zalında tügel, ä IT-parkta ütkärelä. Bu da zamançalık tösmere östi».
“Sälät” üzeneñ möxite, keşeläre belän genä aerılıp kalmıyça, üzençälekle cırları belän dä soklandıra. «Yaş buın yañalık kötä häm şul yañalıknı uylap ta çıgara. Häm bez cırlarıbızda näk menä şuşı yaşlekne, yañalıknı, yanıp torgan yöräklärne çagıldırırga tırışabız», - di “Sälät” cırların başkaruçı Ilgiz Şäyxraziew.

“Sälät” dönyasında iñ töp keşelär – ul älbättä sälkeşlär. Monda barlık mömkinleklär alar öçen buldırıla. Aktiw, ijadi, tırış - ber süz belän äytkändä - El sälkeşe. Bıel älege nominatsiyadä 4 finalist, şularnıñ berse genä jinüçe isemenä laek. Bu isemgä Kamilä Gıybadullina laek buldı. El äydamanı jiñüçese «äydamannar yarışında» bilgelängän ide, şuña da artık zur intriga yasamıyça, bu isemgä laek buluçı Almaz Nigmätjanow säxnägä çıgıp, nihayat üzeneñ kötep algan sämrux koşın kütärde.

Bıel «Sämrux» el premiyasenä tagın ber nominatsiya kertelgän. Ciñüçelär isemlegenä «El alan ukıtuçısı» da östälä. «Yubiley sezon bulu häm ütkärelü urınınıñ üzgärüe – bıelgı premiyaneñ aldagı ellardan töp aermalıgı dip sanıym. Älbättä, bıel yaña nominatsiyalär östälü, misal öçen alan ostazlarnı basım yasau – tagın ber üzençälek dip äytergä mömkin», - di «Sälätle cäy» üzäge citäkçese Gölnaz Gatina.
«Miña kalsa, bügen här katnaşuçı üz isemen atagannı kötäder. Tik miña bügen iñ möhime – alanımnıñ yanımda buluı, min «El kuldaşları» häm «El ölkäne» nominatsiyalärendä katnaşuçı komandam öçen can atam. Çönki alarnıc ciñüe – ul minem ciñüem, dimäk, alanıbıznıñ urtak ciñüe», - di Sälät «Şäxes» alanı direktorı Rezedä Abdullina.

Sälätlelärneñ iñ kötep algan nominatsiyase – «El direktorı». Ä bu nominatsiya gadi genä tügel. Bıelgı premiya älege nominatsiyadä syurpriz belän söenderde. Katnaşkan barlık alan direktorları da jiñüçe isemenä laek buldı.
Iñ töp nominatsiya dip «El alanını»n atasak ta buladır. Çönki näk menä älege bäygedä sälkeşlär dä, äydamannar da, başjitäklär, ostazlar - üz alannarınıñ köçen kürsätü öçen barısı da berläşälär.
«Alanıbızga ike el gına buluga karamastan, bez inde üzebezne zur eşlär başkardık dip sanıybız. «Sälät»tä älegä bulmagan yunäleş – biznes yunäleşendä alan açıp cibärdek. Uku-ukıtu programmasın aerıp äyter idem, çönki cäyge smena wakıtında bezgä yözgä yakın eşmäkär kilep, sälkeşlärgä ostaxanälär ütkärde», - di «El alanı» nominatsiyasendä ciñgän Sälät «Almaz» alanı direktorı Xäbil Säxäbiew.

Tulırak: https://shahrikazan.ru/news/torlese/salatka-ale-30-ias-kena-ul-berence-adymnaryn-iasyi-baslady-gyna-...