IT belän biologiyane närsä berläşterä? ← kire kaytirga

4-nçe awgust könne IT BILER FORUM katnaşuçıları öçen, «Dialog na rawnıx» proektı kısalarında, KFUnıñ «Gen häm küzänäk texnologiyaläre» fänni-tikşerenü laboratoriyase keçe fänni xezmätkäre, fänne populyarlaştıruçı, tabib-kardiolog, kardiologlarnıñ Ewropa berläşmäse ägzası Roman Ursan belän oçraşu oeştırıldı.

Roman äfände üzeneñ fängä kilüe, tabib häm fänni xezmätkär bulıp kitüe turında söyläde, annarı forum katnaşuçıların kızıksındırgan soraularga cawap birde. 

IT belän meditsina xezmättäşlege üseşen niçek bäyalisez, digän sorauga spiker: «Xäzerge wakıtta progressnı bu kollaboratsiyadän başka küz aldına da kiterep bulmıy. Bügen yasalma intellekt –wiruslarnı tabu häm açıp birüdä iñ töp yardämçelärneñ berse», – dip cawap birde.

Ber katnaşuçı: «Bügenge köndä kardiologiya yunäleşendä iñ zur açış närsä?» – dip kızıksındı. «Iñ zur açış häm üseş – yaña daru formaları ezläü. Yasalma intellekt kiräkle preparatnı ezläp tabu wakıtın kıskartırga yardäm itä: berniçä elga suzılırga mömkin bulgan ezläü protsessı berniçä atnada tämamlanırga mömkin», – dip cawap birde Roman Ursan.

«Dialog na rawnıx» – yaşlär eşläre buença federal agentlık proektı. Ul Räsäy Federatsiyase Prezidentı Ukazı belän häm «Sotsial aktiwlık» federal proektınıñ «Mägarif» ilküläm proektı kısalarında uzdırıla.