Sälät yortında X «Sämrux» el premiyaseneñ saylap alu etapları başlanıp kitte.
 
«El äydamanı» «Äydamannar yarışında», «El klubı» töbäk «Sälät» klubları öçen gamäli uku-ukıtu seminarında bilgelänsä, «El sälkeşe», «El ölkän äydamanı», «El metodistı», «El direktorı», «El kuldaşları», «El alanı» nominatsiyaläreneñ saylap alu etapları Sälät yortında uza. Märtäbäle jyuri ägzaları finalistlarnıñ çıgışların bäyali häm ciñüçelärne bilgeli.

Sälätle balalarnı häm yaşlärne üsterü ölkäsendä respublikaküläm «Sämrux» el premiyaseneñ öçençe etabında ekspertlar sowetı katnaşuçılar belän äñgämä uzdıra häm bäya birä, anıñ töp maksatı – kadidatlarnıñ eşçänlege turında tulırak mäglümat alu. Katnaşuçınıñ çıgışı näticäläre buença ekspertlar sostawı ballar kuya. Alar berençe etap balları belän kuşıla. Biremnärneñ formasın häm eçtälegen ekspertlar bilgeli. Ekspertlar, näticä yasaganda, katnaşuçılarnıñ çittän torıp saylap alu etabında tuplagan balların da isäpkä alırga xokuklı. 

Katnaşuçılarnı saylap alu etabı 2024 elnıñ 5 dekabrennän 2025 elnıñ 16 gıynwarına kadär bara. Iñ berençe bulıp sälkeşlär üzara köç sınaştı. Kiläse saylap alu etabı «El ölkän äydamanı» nominatsiyase buença uzaçak. Yaratkan ölkän äydämannarıgız, metodistlarıgız, direktorlarıgız, äydamannarıgız häm alanıgız öçen can atarga 10, 12, 17 dekabr häm 14, 16 gıynwar könnärendä 18:00 sägattä Sälät yortına räxim itegez!

Jyuri ägzaları «El sälkeşe» finalistlarınıñ çıgışların karap, ciñüçene bilgeläde. Alda tagın biş nominatsiya buença yarışlar uzaçak. Alarnıñ näticäläre buença Sämrux koşına laeklı yaşlär açıklanaçak. Ciñüçelärneñ isemnären isä, 2025 elnıñ fewral aenda, premiyane tapşıru tantanasında beläçäkbez.

Barlık katnaşuçılarga da uñışlar telibez!