Sälät üseşe – klublarda ← kire kaytirga

15-nçe gıynwar könne Sälät Yortında «Sämrux» premiyaseneñ 2017-nçe el näticäläre buença «El klubı» nominatsiyase üzeneñ saylap alu turların tämamladı. Älege möhim bulgan nominatsiyadä ciñü yaular öçen 7 klub üz köçlären sınadı, el däwamında tormışka aşırgan eşlären jyuri ägzalarına täkdim itte. Bu kiçne «Sämrux» säxnäsendä kiläse klublarnıñ çıgışların küzätep buldı: 

- «Sälät-Yaşel Üzän» 
- «Sälät-Zäy» 
- «Sälät-Bögelmä» 
- «Sälät-Älmät» 
- «Sälät-Aznakay» 
- «Sälät-Aksubay» 
- «Sälät-Kazan» (12-nçe gimnaziya). 

«“Sämrux” premiyase öçen älege «El klubı» nominatsiyase bik möhim dip sanıym. Sälät klubları barı tik ütkän elda gına aktiw oeşa başlasa da, bu xäl bezne nık kuandıra. Äye, iñ başta klub sannarı arta, tik şul uk wakıtta, parallel räweştä alarnıñ sıyfatı östendä dä zur eş alıp barıla. Älege klublarnıñ üseşe öçen bez härwakıtta da yardäm kulın suzırga äzerbez», – dip, bilgeläde Timur Söläymanow. 

Çaranı «Sälät-Aznakay» klub wäkilläre därtle cırga urap başlap cibärdelär . Alar fikerençä, klubnıñ töp wazıyfalarınıñ berse ul – klubka kübräk yaña aktiw eget häm kızlarnı cälep itü. Älbättä, keşe sanı şulay uk möhim rol uynıy. Çönki, akıllı «başlar» kübräk bulgan saen, fikerlär dä, proektlar da şaktıy kızıklı, üzençälekle bulırga tora. 

Kiläse bulıp, säxnädä «Sälät-Älmät» klubın küzätep buldı. Yaşlär üz çıgışların «Närsä?Kayda?Kayçan?» formatında yasap, klublarınıñ bik ziräk bulganın dälillärgä tırıştılar. 

Yaş buluına karamastan, kiläse klub üzeneñ kazanışları belän jyuri ägzaların bik tä kuandırdı. Süz, älbättä, «Sälät-Zäy» klubı turında bara. Ul, barı tik 2016-nçı elda gına oeşkan bulsa da, tormışka aşırılgan proektları baytak. 

«Cäüdät» isemle galämne uylap tapkan klub turında da onıtırga yaramıy! Klubnıñ wäkillären planetalarga tiñläüçelär – «Sälät-Aksubay». Üz çıgışlarında härber «planeta» añarga gına xas bulgan eşçänleklär belän tanıştırıp kitte. 

Kış aylarında aeruça härber sälkeş şämçeklärne sagınıp yaşider. Ä menä «Sälät-Kazan» (12-nçe gimnaziya) klubı barlık sälkeşlärgä yaratkan xis-kiçereşlärne kabattan büläk itä aldı. Üz çıgışların alar «şämçek» formatında täkdim itärgä buldılar. 

«Sälät-Yaşel Üzän» klubı isä härber wäkilneñ möhim wazıyfaları belän urtaklaştı. «Barı tik älege wazıyfalar bik sıyfatlı räweştä ütälsä genä, klub zur uñışlarga, kazanışlarga ireşä alaçak», dip, fiker belderdelär eget häm kızlar. 

Çıgışlarnı yomgaklap säxnädä çın teatralläşkän tamaşanı küzätep buldı. Alarnıñ awtorları «Sälät-Bögelmä» klubı. Çıgışlarınıñ nigezenä alar kuldaşlarnıñ eşçänleklären salırga buldılar. Barı tik yaxşı, köçle tandem bulganda gına, alar yaxşı näticälärgä ireşä alaçakların añlatırga tırıştılar. 

«El klubı» nominatsiyaseneñ möhimlege kalgan nominatsiyalärdän kalışmıy da, artıgrak ta tügel. Gomumän, «Sämrux»ta här nominatsiya üzençälekle häm kulminatsion mizgellärgä bay. «El klubı» nominatsiyase mäktäp ukuçılarına kiläçäktäge yaña uñışları öçen köçle etärgeç», dip, assızıkladı Sälät klubı prezidentı Igor Smirnow. 

Soñgı konkurs – blits-opros tämamlangaç, jyuri ägzaları kiñäşläşep, ciñüçene sayladılar. Xäzer katnaşuçılar häm canatarlar ciñüçeneñ isemen beler öçen iñ dulkınlandırgıç, matur mizgelne kötälär. 2018-nçe elnıñ 8-nçe fewralendä «El klubı» isemenä laek bulgan klubnı «Sämrux» premiyaseneñ tantanalı büläkläü könendä, G.Tukay isemendäge Tatar Däülät Filarmoniyasendä belerbez. 

«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Besedka» hönärxanäse, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.