«Yoldızlı» yalga räxim itegez! kire kaytirga

«Yoldızlı» yalga räxim itegez!
SEZ ANI TANIMAYaÇAKSIZ DA!

Sälät bazaları belän tanıştırunı däwam itäbez. «Yoldızlı» yalga räxim itegez!

Baza Kazannan 30 çakrım eraklıkta urnaşkan. Xäzer «Yoldızlı» el äylänäsendä eşli ala torgan üzäk. Biredä uzgan el Prezident programması belän kapital tözekländerü eşläre başkarıldı.

Baza tanımaslık bulıp üzgärde: sport mäydançıkları häm territoriya tözekländerelde, cılılık häm elektr çeltärläre ütkärelde, gaz kertelde. Xäzer yuınu bülmäläre korpuslar eçendä, aşxanä, törkem urınnarı, meditsina punktı yañartıldı.

Balalar irken häm uñaylı bülmälärdä yaşi. Barlık korpuslar da GOST taläplärenä turı kiterep tulı külämdä cihazlandırılgan.

Bazanıñ gomumi mäydanı 10 ga citä. Cäen biredä 5 smena uzaçak: 

  • «Sälät-Tel» (lingwistika buença profille alan, 4-11 sıynıf ukuçıları),
  • «Sälät-Akbars» (uku-ukıtu, hönäri belem birü alanı, 7-11 sıynıf ukuçıları),
  • «Sälät-Därt» (icadi alan, 6-11 sıynıf ukuçıları), 
  • «Sälät-Rauşan» (fänni, intellektual alan, 5-11 sıynıf ukuçıları)
  • «Sälät-Şäxes» (şäxsi üseş, 5-11 sıynıf ukuçıları).

Sälätlelär yoldızlıgına kilergä aşık. Garizalar portfolio-selet.ru saytında kabul itelä.