Sälät Yortı kunaklar kabul itä. Çirattagı Açık işeklär köne nilär belän istä kaldı ← kire kaytirga

24 sentyabr iñ aktiw ukuçılar, studentlar Sälät Yortında cıeldı. Biredä közneñ berençe aenda uzuçı traditsion çara - açık işeklär köne bulıp uzdı.

Açık işeklär köne Sälättä el saen ütkärelä. Ul yaşlärgä Sälät berläşmäseneñ eşçänlege, el däwamında gamälgä aşırıluçı proektları belän tanışırga, Sälät xäräkätenä kuşılırga mömkinlek birä. Älege çara kısalarında Sälättä el däwamında eşläp kilüçe proektlarga start birelde, Sälät kubınıñ 2022/23 uku elına näticälär yasaldı.

Sälät Yortı kunakları Sälät aktiwı mäktäbe, «Mirax» intellektual klubı, «Atlant» östäl uennarı klubı, Äydamannar yarışı, Äydmannar mäktäbe, kışkı «Sälät — Galäm» alanı, kışkı «Sälät — Ruxiyat» alanı, kışkı «Sälät — Tel» alanı, «BikaFest» festiwale, «Sälätkä nur bulgan yoldızlar» açık ädäbi konkursı, «Yaş yörkälär» teatr laboratoriyase, «Gennadiy Aygi i Kawi Latıyp warisları» ädäbi konkursı, «Sanak lab» uku-ukıtu laboratoriyase, «Sälät — Olimp», «Fänsar» mäktäbe proekları belän yakınnanrak tanışa aldı.

Açık işeklär köneneñ formatı eldan-el yañara. Bıel katnaşuçılar öçen yunäleşläre proeklarnıkı belän täñgäl kilgän ostaxanälär, törle aktiwlıklar oeştırıldı, alarga istälekle büläklär tapşırıldı. Törle mäktäplärdän, kölliyatlärdän, yugarı uku yortlarınnan kilgän 100dän artık katanaşuçı häm alarnıñ äti-äniläre çarada bik teläp katnaştı.

Çara märtäbäle kunaklarnıñ sälamläü süzlärennän başlanıp kitte. Açık işeklär köne uñaennan Sälät Yortına «TATMEDIA» aktsionerlık cämgıyateneñ radio häm telewidenie belän eşläü departamentı citäkçese, «Kitap» radiosınıñ baş möxärrire Almaz Mirgayazow, tanılgan alıp baruçı, şoumen Bulat Bäyrämow häm bloger Alinä Gimaltdinowa kilde. Alar balalarnıñ äti-äniläre belän äñgämä kordı, sälkeş ätise häm änise bulunıñ üzençälekläre xakında söyläde.

Çarada şulay uk Sälät klublarınıñ 2022/23 uku elındagı eşçänlegenä näticä dä yasaldı. Sälätle balalar häm talantlı yaşlär belän eşläügä, Sälät klubı eşçänlegenä zur öleş kertkän aktiwistlar, proektlar citäkçeläre räxmät xatları häm yaşel cirlektä surätlängän sigez taclı yoldız – Sälät bilgese belän büläklände.

Açık işeklär köne - Sälät proktlarında katnaşırga teläkläre bulgan yaşlär öçen menä digän mömkinlek. Biredä härkem proektlar belän yakınnan tanışıp, şunduk küñelenä xuş kilgänenä yazıla aldı.