Igor Smirnow «El direktorı» däräcäsenä iya buldı ← kire kaytirga

«Sämrux-2017» –  Sälät berläşmäseneñ el saen uzdırıluçı sälätle balalar häm yaşlärenä yardäm itü proektı gına tügel. Bu – gorur isem! 2017-nçe elnıñ cäyge smenalarınıñ iñ yaxşı direktor däräcäsenä Igor Smirnow buldı! Kotlıybız!

Sineñ öçen Sälät ul – …

- Minem öçen Sälät 2011-nçe elda (iñ berençe sälkeş rolendä uzgan elım) – tanılgan tatar şäxesläre belän tanışu. Sälät 2014-nçe elda (äydaman bulgan el) – balalar belän eşläp karau täcribäse. Xäzer Sälät ul – üzeñä genä fayda kiterü turında uylau tügel, şulay uk ul fayda belän urtaklaşu moxite.Üzeñ turında söyläp kit.

Sälättä närsä belän şögıllänäseñ?

- Bügenge köndä «Sälät» klubınıñ Prezident wazıyfasın başkaram. Äye, uylap karasak, bu bik yugarı status. Min, härwakıtta da älege statustan kıensınam. Bälki cawaplılıktandır. El däwamında klubta, mäkttäptä ukuçılarga häm studentlarga 10 yakın törle proektlar oeştırıla. Eşläüdä iñ kuandırgıç faktor – bik yaxşı, köçle komanda häm başkarılgan eş näticäläre. Klubtan tış, älege cäyne «Sälät-Akbure» häm «Sälät-Arşan» smenalarınıñ direktorı bulaçakmın.

Bezneñ oeşmadan tış närsä belän şögıllänäseñ?

- Min student. Ukıtuçı diyarlek. Tup turında da onıtmaska tırışam – keçkenä çaktan uk woleybol uynıym. Üzemä yaña äyberlär açırga yaratam. Küptän tügel ber kompyuter uenı belän kızıksına başladım. Läkin bu ozakka tügel. Miña yaña xislärne toyu bik oşıy!

Sineñ Sälättäge töp kazanışıñ?

-          Top-3:

·         Şämäxä futbolka

·         «Sämrux»ta ike ciñü

·         Klub belän idarä itü

 Sineñ öçen «Sämrux» ul – ...

- Başkarılgan eşkä yomgak yasau, şulay uk bik şäp kontsert! Monnan tış «Sämrux» – tekä tolstowkalar, kuen däftärläre, şäp fotosurätlär, iñ yaxşı tamaşaçı!

«Sämrux» premiyasendä ciñer öçen nindi 3 sıyfatka iya bulırga kiräk?

- Üzeñneñ ölkäñdä ostaz bulu, balalarnı yaratu häm sıgılmalılık.

Ciñüne kötkän ideñme?

- Mondıy bäygelärdä berniçek tä ciñüne aldan belep bulmıy. Älbättä, anı bötenese dä kötä, çönki katnaşunıñ töp säbäbe şul.

Üzeñ turında söyläp kit.

- Bu sorauga törleçä cawap birergä bula. Mäsälän, miña 5 sanı bik oşıy! Balaçak plannar turında da äytergä bula – kiläçägemne, härwakıtta da ingliz tele belän bäylise kilde. Läkin, äni jurnalistika ölkäsenä kerep kitärgä täkdim itä ide. Näticädä – ukıtuçıga ukırga kerdem. Tik şuña da karamastan ingliz telen öyränüne tuktatmıym. Yoldıznamägä ışanmıym. Läkin, ukçılarnı iñ yaxşı zodiak bilgese dip sanıym. Uniwersitetnı kızıl diplomga beterdem. Pomidorlar yaratmıym, tik ketçupka uñay karıym; söt eçmim – sır, eremçekne, kaymaknı yaratam.

Kiläse elda «Sämrux» ta katnaşuçılarga närsä telär ideñ?

    -  Mäktäptä öyrätkännärne onıtmaska kiräk! Ciñü – möhim tügel. Iñ möhime katnaşu! Ä menä inde katnaşırga uylagansıñ ikän, eşeñne axırga kadär citker!

«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Besedka» icat studiyase, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.