«Ilham – Wdoxnowenie» – moñlı tawış belän küñel cırlıy. kire kaytirga

«Ilham – Wdoxnowenie» – moñlı tawış belän küñel cırlıy.

2-3-nçe dekabr könnärendä Sälät yortında III-nçe açık «Ilham – Wdoxnowenie» xor festiwale ütkäreläçäk. Festiwal traditsion räweştä Tatarstan Respublikası «Sälät» yaşlär ictimagıy fondı tarafınnan oeştırıla. III-nçe açık «Ilham – Wdoxnowenie» xor festiwaleneñ maksatı: milli muzıkal mirasnı saklau, torgızu häm yaşlärdä xor sängatenä karata kızıksınu uyatu.

2-nçe dekabr könne 15.00  festiwalneñ tantanalı açılışı başlana. Festiwaldä Tatarstan respublikasınıñ atkazangan sängat eşleklese – Räximullin Irnis Äxmadulla ulı citäkçelegendä Kazan federal uniwersitetınıñ tatar xalık xorı, Laiş rayonı balalar sängat mäktäbeneñ «Rodniçok – Küñelle çişmä» xorı, Biektau rayonı «Balkış» balalar sänga mäktäbeneñ «Color music» ansamble häm «Sälät» oeşmasınıñ «D'art» xor-studiyase katnaşa.

Menä inde 11 el Maxmutowa Adelya citäkçelegendäge «D'art» xor-studiyase üz sälätläre belän bezne söenderä. El saen alar xäyriya kontsertlarında katnaşalar. 2015-nçe elda «D'art» xor-studiyase «Ilham – Wdoxnowenie» festiwalen başlap cibärde.Festiwalneñ programması dönya xalıklarınıñ muzıkal mädäniyaten häm milli koloritın öyränügä yunältelgän.

3-nçe dekabr könne 13.30 Sälät yortında Kazan şähäreneñ P.I. Çaykowskiy is.1-nçe nomerlı balalar muzıka mäktäbeneñ «Söembikä» wokal ansamble, I.W. Äühädiew isemendäge muzıkal kölliyateneñ tatar xorı bülege, №4 balalar muzıka mäktäbeneñ «Piccolini» xorı, «D'art» xor-studiyase, №15 balalar sängat mäktäbeneñ

«Kük kügarçen» tatar ansamble häm Tatarstan Respublikasınıñ atkazangan sängat eşleklese – Gıymaewa Güzäl Änwär kızı citäkçelegendäge «Kazan federal uniwersitetın tämamlauçılar» xalıkara berläşmäseneñ «Garmoniya» Kamer xorı çıgışların kararga kötep kalabız.

Festiwalnıñ Sängat sowetı ägzaları sostawında:

- Capparowa Älfiya Ibrahim kızı – Tatarstan respublikasınıñ atkazangan sängat eşleklese, Cihanow is. Kazan däülät konserwatoriyaseneñ muzıkal teatrı kafedrasınıñ idarä itüçese, xor dirijerı, professor;

- Räximullin Irnis Äxmadulla ulı – Tatarstan respublikasınıñ atkazangan sängat eşleklese;

- Gataullin Rif Xobbul ulı – kompozitor, Tatarstan respublikasınıñ atkazangan sängat eşleklese, Rossiya häm TR kompozitorlar Soyuzı räise.

Barlık teläüçelärne muzıka häm şigriyat dönyasına çakırıp kalabız. Sälät yortında oçraşkanga kadär!