«1418» intellektual-patriotik uen ← kire kaytirga
Yakşämbe, 11-nçe fewral könne Sälät Yortında «Mirax» intellektual ligası «1418» temasına bagışlangan berençe patriotik uennı täkdim itäçäk. Älege uen Böek Watan sugışında ciñügä 73 el tulganga bagışlana.
Kiläse uen turında centekläp söylär öçen, bez «Mirax» intellektual klubı citäkçese Ilüzä Xosnullina belän äñgämä korırga buldık.
- Älege bulaçak uen närsägä yunältelgän?
- Bezneñ taraftan oeştırıla torgan uen eruditsiyane üsterügä, xärbi wakıygalar turında bulgan belemnärne kiñäytügä yunältelgän. Ul bolay gına 1418 dip atalmıy. Çönki sugış näk menä şunıñ kadär bargan.
- Ni säbäple uennı kwiz formatında ütkärergä buldıgız?
- Bez härwakıt uennıñ formatın üzgärtep torırga tırışabız. Bu, uen barlık keşelärgä dä kızık bulsın öçen maksatınnan eşlänä. Bugen ul kwiz, irtägä «Swoya igra», öçençe köngä «Närsä? Kayda? Kayçan?» bulırga da mömkin. Bügenge köngä, gomumän, intellektual uennar şaktıy küp. Minemçä, bu bezneñ öçen bik otışlı wariant. (Elmaya)
- Intellektual uen tämamlangaç, nindi näticälär kötäsez?
- Xäzerge wakıtta bezneñ öçen töp maksat – kübräk yaña komandalar tuplau. Klubıbıznıñ, uenıbıznıñ kiñleklären zuraytu bik möhim. Biredä sälätlelärne genä tügel, gomumän, Sälät turında belmägännärne dä kötep kalabız.
- Uen nindi etaplardan toraçak?
- Uen, äytelgänçä, «kwiz» (quiz) formatında uzaçak. Ul – muzıkal, wizual häm klassik öleşlärdän toraçak.
- Añlaganıbızça, älege uenda komandalar katnaşa. Härber komandada niçä keşe bulırga mömkin?
- Härber komanda da kimendä 3 keşe bulırga, läkin 6-dan artmaska tieş.
- Uennıñ ciñüçeläre nindi dä busa büläklärgä iya bulaçakmı?
- Uennıñ ciñüçeläre «Kwiz, pliz!» küñel açu yarışında katnaşır öçen maxsus sertifikatlarga iya bulaçaklar. Şunı da äytep kitärgä kiräk, älege uen trenirowka formatnı yörtä. Şuña kürä, biredä barı tik berençe 3 urın gına bilgelänäçäk.
Dimäk:
• 11-nçe fewral
• Sälät Yortı
• Sägat 16:00
Terkälü öçen sıltama.
Kilmi kalma! Sälät belän ber dulkında bul!