Xalıkara «Talantı mira» seminarı ← kire kaytirga

26-nçı may könne, Yugarı texnologiyalär ölkäsendäge «IT-park» texnoparkında Xalıkara «Talantı mira» seminarı uzdı.

Çaranı Tatarstan Respublikası Xakimiyate, «Kazanskiy otkrıtıy uniwersitet talantow 2.0» oeşması, «Talant i uspex» (Soçi şähäre) uku-ukıtu fondı uzdırdı. Seminarnıñ operatorı bulıp Tatarstan Respublikasınıñ «Sälät» yaş-lär ictimagıy fondı häm Yaş-lär diplomatiyase akademiyase tordı.

Seminar barışında Räsäydän häm törle çit illärdän kilgän ekspertlar sälätle yaş-lärne üsterü häm alarga yardäm itü xakında söyläştelär.

«Talantı mira» fänni-metodologik häm tikşerü platforması aşa sälätle balalar häm yaş-lärne tuktausız ezläü, tabu, berläşterü häm üsterüne maksat itep aldı. Şulay uk dön-yaküläm täcribä urtaklaşu da ig-tibar üzägenä kueldı.

Seminarda Räsäydän häm yakın çit illärdän kilgän ekspertlar, Tatarstannıñ ministrlıkları wäkilläre, ictimagıy oeşmalarda sälätle yaş-lär belän eşläüçe belgeçlär, yugarı uku yortları, törle oeşmalar xezmätkärläre,  respublikaküläm, bötenräsäy häm xalıkara arenalarda törle bäygelärdä ciñü yaulagan yaş-lär, alarnıñ ukıtuçıları häm äti-äniläre katnaştı.

Çaranıñ möxtäräm kunagı bularak Tatarstan Respublikasınıñ fän häm mägarif ministrı urınbasarı Andrey Pominow çakırılgan ide. 

«Soñgı berniçä elda ilebezdä, respublikabızda sälätle yaş-lärne berläşterü, alar belän eşçänlekne sistemalaştıru buença zur eş bara. Töp sorau – şuşı yaş-lärgä nindi yardäm kürsätergä? Niçek döres yunäleş birergä? Şularga cawap tabar öçen bügen biregä cıeldık. Barıgızga da uñışlar teläp kalam!» - dip belderde Andrey Pominow.

«Sälätle yaş-lär belän xezmättäşlek itüçelär belän eşläü – üze ber räxät. Bügenge yaş-lär Räsäy ik-tisadınıñ bulaçak draywerları bit. Soñgı 5 el eçendä keşelek zur texnologik üzgäreşlär kiçerde. Sälätle yaş-lär tarafınnan kilgän initsiatiwalarnı ig-tibarsız kaldıru yaramıy. Uku-ukıtu protsessı biznestan başka üze genä alga barmayaçak. Bügenge köndä bulgan üseş institutları safına IT-parknı da kertep bula, çönki bezneñ texnopark – IT-biznes üseşe öçen töp infrastruktura bulıp tora. Bügen bu seminarda katnaşmıy kalu mömkin tügel. Oeştıruçılarga räxmät! Sez buldırasız! IT-park sezneñ ideyaläregezgä härwakıt wakıt tabar!» - dip citkerde «IT-park» direktorı Anton Graçew.

«Sälätle yaş-lärgä yardäm kürsätü ısulları häm çikläre» gamäli sessiyasendä «Talant i uspex» uku-ukıtu fondı citäkçese urınbasarı Mixail Sluç häm Räsäy wençur kompaniyaseneñ general- direktorı urınbasarı, üseş buença direktorı Gölnara Bikkulowa çıgış yasadı. Biredä keşeneñ üseş institutı nindi bulırga tieş, 21-nçe gasırda anıñ kapitalı, mäktäp, yugarı uku yortı, icat üzäkläreneñ üseş öçen ähämiyate kebek temalarga fiker alışındı.

«Mondıy çaralar bik kiräk dip sanıym. Fiker alışu, täcribä urtaklaşu bik möhim, bu koordinatalarnı çagıştırıp karau öçen kiräk. Bügen biredä buluım belän çiksez gorurlanam!» - dip belderde Gölnara Bikkulowa.

Sessiyalärneñ moderatorı bulıp «2015-2020-nçe ellarda TRnıñ sälätle yaş-läre belän strategik idarä itü» däülät programmasınıñ Fänni-ekspertlar sowetı räise, Yar Çallı däülät pedagogik uniwersitetınıñ rektorı Fäyrüzä Mostafina häm «Kazanskiy otkrıtıy uniwersitet talantow 2.0» oeşması direktorı Aydar Akmalow tordı.

«Sälätle balalar häm yaş-lärgä yardäm itü buença iñ äybät praktikalar» gamäli sessiyasendä «You Shut Up» bestsellerı awtorı, trener, eşmäkär, SocialeMedia Ltd oeşması direktorı (Yaña Zelandiya, Niderlandı, Nowosibirsk) Mariya Salixowa yaş-lärne üsterü buença üz modelen täk-dim itte. «Balaga balasıtıp karau kiräkmi. Anı üzeñ belän tigez kürü möhim», - dip sanıy ul. Bu xakta ekspert kitabında da beldergän.

«Bolaşak» programması buença bulgan täcribä belän Xalıkara programmalar üzägeneñ Çıgarılış ukuçıları belän eşläü departamentı direktorı Gölzat Salikowa (Kazaxstan Respublikası) büleşte.

Brown University kosmologiyase laboratoriyaseneñ fänni assistentı, matematika häm fizika  belgeçe Artur Axwadiew sälätle yaş-lärne fängä tartu serlären çişte.

«Balalar häm yaş-lärneñ intellektual--icadi potentsialı öndämäläre häm üseşe» sessiyasendä sälätle yaş-lär belän  eşläüneñ töp soraularına cawap tabıldı.

«General-nıy konstruktor» olimpiada proektınıñ koordinatorı Ol-ga Şindor şuşı blokta çıgış yasadı. Mamadış şähäreneñ Yaş-lär innowatsiyase üzäge citäkçese Artur Efimow, Kazan milli tikşerenü texnologik uniwersitetı prorektorı Lyubow- Owsienko da üz fikerlären belderep uzdılar.

Balanıñ mäktäptän urta hönäri yaki yugarı belem birüçe uku yortlarına küçüe, mäktäptä ireşkän uñışlarnıñ nikadär möhim buluı, yaş- keşe öçen portfolionıñ ähämiyate turında A.N. Tupolew isemendäge Kazan milli tikşerenü texnologik uniwersitetınıñ German-Räsäy yaña texnologiyalär institutı Ekaterina Egoşina  söyläde.

Seminarnıñ barlık katnaşuçıları da anıñ ähämiyatlelegen, mäg-lümatlılıgın kat-kat iskärttelär.