17-nçe oktyabr könne bezneñ instagramda Sälät Klublarınıñ turı efirı bula.

Anda närsä turında söyläyaçäklär? Bu soraunı Klub prezidentı Timerxan Şäyxetdinowka birdek.

– Turı efirda 2019-2020-nçe uku elında Sälät Klubınıñ proektları häm çaraları turında mäglümat biräçäkbez.
Äytik, 21-nçe oktyabrdä bezneñ «Därman» yunäleşe start ala. Bu yunäleşkä «WikiMäktäp», «Bezneñ fiker», «Mirax», «Atlant» kerä. «Atlant» yaña formatka küçä – östäl uennarı klubı formatına.
Bezneñ bıel yaña klublar da barlıkka kilde: «Sälät-Alekseewsk Klubı» häm «Sälät-Tübän Kama Klubı». Şunıñ belän barlıgı 15 klub buldı. Alar turında da mäglümat bulaçak.