«Sälät» forumında «Sälät» häm «Adımnar» xezmättäşlege turında fiker alıştılar ← kire kaytirga

«Sälät» XI Xalıkara yaşlär uku-ukıtu forumı kısalarında Bilärdä Sälät häm «Adımnar - belem häm tatulıkka yul» Polilingwal kompleksı xezmättäşlegenä bagışlangan tügäräk östäl uzdı.

Çarada onlayn-formatta TR mägarif häm fän ministrı Ilsur Hadiullin, «Sälät» proektları citäkçese Cäüdät Söläymanow, açılaçak ike «Adımnar» mäktäbe direktorları Ilşat Yarullin (Älmät) häm Artur Galiäxmätow (Tübän Kama) kuşıldı.

Oflayn-formatta «Adımnar-Kazan» direktorı Aydar Şämsetdinow, «Adımnar-Alabuga» direktorı Nadir Kuramşin, «Adımnar-Çallı» direktorı urınbasarı Inzilä Gäräewa, «Sälät» fondı general direktorı Elina Nasıybullina, «Sälät» yaşlär üzäge direktorı urınbasarı Igor Smirnow, «Sälät» uku-ukıtu häm mägarif texnologiyaläre üzäge citäkçese Dilärä Yakubowa katnaştı.

Oçraşuda «Adımnar» mäktäpläre bazasındagı «Sälät» klassları häm klubları eşenä yomgak yasaldı, şulay uk xäzerge wakıtta eşläp kilüçe mäktäplär häm yaña uku elında Tübän Kama häm Älmät şähärendä açılaçak mäktäplär öçen plannar kıraldı. Kiläse elda «Sälät-Adımnar» sıynıflarınıñ gomumi sanı 10ga citäçäk, Sälät klubları üz eşçänleklären alıp baraçak.