«Sanak-lab» belem birü laboratoriyase KFUnıñ Isäpläü matematikası häm mäglümati texnologiyalär institutı
(IWMiIT) belän berlektä 5-9-nçı sıynıf ukuçıları öçen programmalaştıru buença respublika olimpiadasın ütkärä!

Ägär sin küptännän informatika ölkäsendä üz köçläreñne sınap kararga teläsäñ, bu mömkinlekne kulıñnan ıçkındırma!

Olimpiada ike etapta uzaçak.
Berençe etap (çittän torıp) 5-10-nçı aprel könnärendä codeforces.com platformasında uzaçak.

Iñ yaxşı näticälärne kürsätkän katnaşuçılar 21-nçe apreldä KFUnıñ 2-nçe uku binasında (Kazan, Kreml uramı, 35) uzaçak ikençe (turıdan-turı) etapka çakırılaçaklar.

Olimpiada ciñüçeläre häm prizerları kıymmätle prizlar häm diplomnar belän büläklänäçäk, şulay uk konkursnıñ saylap aluınnan tış, Tatarstan Respublikasınıñ iñ köçle ukıtuçıları belän «Sälät - Sanak» cäyge IT-smenada katnaşu mömkinlegenä iya bulaçak.
Töp etapta katnaşuçılarnıñ barısı da katnaşu turında sertifikatlar alaçak.

Katnaşu öçen 10-nçı aprelgä kadär tübändäge sıltama buença gariza cibärergä kiräk.

Sıltama: https://sanaklab.timepad.ru/event/942366/