«Yoldızlı»da 26-30 gıynwar könnärendä «Äydamannar mäktäbe» proektınıñ 2025 el küçmä sessiyase uzdı.

26 nçı gıynwar – 30 nçı gıynwar könnärendä «Yoldızlı» bazasında «Äydamannar mäktäbe» proektınıñ küçmä sessiyase uzdı. Sessiyagä Tatarstannıñ törle rayonnarınnan, kürşe respublika häm şähärlärennän 100 gä yakın kız häm eget cıeldı.

«Äydamannar mäktäbe» Sälätneñ cäyge alannarı häm forumnarı öçen äydamannar komandası tuplau öçen oeştırıla. Katnaşuçılar küçmä sessiyadä törle pedagogik situatsiyalärne çişü yulların öyrändelär, Sälät eşçänlege belän yakınnanrak tanışu häm kiçke çaralar ütkärü buença kızıklı lektsiyalärdä häm treninglarda katnaştılar. Sessiya däwamında bulaçak äydamannar belän kuratorlar, yagni alannarnıñ ölkän äydamannarı häm direktorları eşläde. Alar smenaga äzerlänü tärtibe, törkem tözelü etapları, kiçke häm köndezge çaralar uzdıru ölkäsendäge täcribäläre belän urtaklaştı. Balalar belän uñışlı elemtä buldıru serläre belän Sälät alannarında direktor häm ölkän äydaman buluçılar, çakırılgan kunaklar urtaklaştı.

Äzerlek äle monıñ belän genä tämamlanmıy. Äydamannarnı äñgämälär etabı kötä. Şul räweşle 2025 nçe elnıñ cäendä uzaçak alannarnıñ komandaları tuplanaçak. Smenalarga äzerlänü, kiçke häm köndezge çaralarga programma tözü kebek kızıklı etaplar da alda!

Äydamannarnı 8-9 fewraldä Sälät Yortında äñgämälärdä kötep kalabız.