«Fänsar» mäktäbeneñ konferentsiyasendä katnaşu öçen garizalar kabul itügä start birelde ← kire kaytirga
21 aprel könne Sälät Yortında (Kazan şähäre, Ostrowskiy uramı,23) III Respublikaküläm M. I. Mäxmutow isemendäge «Fänsar» mäktäbeneñ fänni-gamäli konferentsiyase uzaçak.
Konferentsiya Tatarstan Respublikası «Sälät» TRYaIF tarafınnan, «Sälät» yaşlär üzäge däülät byudjet uçrejdeniyase belän berlektä Tatarstan Respublikası Fännär akademiyase, Tatarstan Respublikası Mägarif häm fän ministrlıgı, Tatarstan Respublikası Yaşlär eşläre häm sport ministrlıgı häm Kazan federal (Idel bue) uniwersitetı yardämendä ütkärelä.
Konferentsiyaneñ maksatı – Tatarstan Respublikası mäktäp ukuçılarınıñ fänni potentsialın üsterü.
Konferentsiya tübändäge yunäleşlärdä uzdırıla:
- Galäm, Cir şarı häm tabigatkä karagan fännär (fizika, ximiya, biologiya, ekologiya)
- Keşe häm cämgıyat turındagı fännär (iktisad, sotsiologiya, psixologiya, tatar tele, tarix)
- Taswirlau, modelläşterü fännäre häm gamäli fännär (semiotika, matematika, informatika).
Konferentsiyadä Tatarstan Respublikası gomumi belem birü oeşmalarınıñ 8-11-nçe sıynıf ukuçıları katnaşa ala. Eş indiwidual fänni-tikşerenü proektı bularak, yaisä berniçä awtor tarafınnan (3 keşedän artık tügel) täkdim itelä ala; fänni citäkçe belän berlektä yazılırga tieş.
Konferentsiyadä katnaşu öçen 2018-nçe elnıñ 15-nçe gıynwarennän alıp 25-nçe martka kadär MONDA terkälergä häm fansar@selet.biz elektron poçtasına fänni-tikşerenü eşeneñ tezisların cibärergä kiräk (härber kägaz bite aerım fayl bularak berketelergä häm awtorlarnıñ familiyaläre kürsätelergä tieş).
Konferentsiyaneñ çittän torıp katnaşu etabı 25-nçe marttan 7-nçe aprelga kadär uzdırılaçak. Anıñ kısalarında oeştıru komitetı konkurs eşlärendä taläplär ütälüen tikşerep, ekspertlar sowetına tapşıra. Ekspertlar sowetı belän saylap alıngan iñ yaxşı fänni eşlär yomgaklau konferentsiyasendä täkdim iteläçäk.
Konferentsiyadä awtordaşlar buluına da karamastan, ekspertlar sowetı karşında eşne ber ukuçı (awtor) täkdim itä. Eş barışında ekspertlar sowetı iñ yaxşı eşlärne bilgeli. Ekspertlar sowetı kiñäşe nigezendä ciñüçelärgä häm laureatlarga maxsus diplomnar, maktau kagazläre, istälekle büläklär tapşırıla. Konferentsiyadä diplomantlarnıñ fänni citäkçeläre diplomnar belän büläklänä. Konferentsiyaneñ barlık katnaşuçılarına Konferentsiyadä katnaşu sertifikatları häm elektron tezislar cıentıgı birelä. Başka şähärdä toruçı wäkillärgä tezislar cıentıgı poçta aşa katnaşuçını yunältüçe oeşma adresına ber danädä cibärelä.