«Änwär Xäyri ukuları» fänni-gamäli konferentsiyaseneñ II etabına uzuçılar bilgele ← kire kaytirga

«Änwär Xäyri ukuları» Respublikaküläm yaşlär fänni-gamäli konferentsiyase bıel sigezençe tapkır uza. Ul Bilär kalası tarixın fänni öyränügä häm Bilärne dönyaga tanıtuga zur öleş kertüçe, tatar dönyası tarixında cuelmas ez kaldıruçı galim, sälkeşlärneñ Dustı häm Ostazı Änwär Xäyri isemen mäñgeläşterü maksanda «Sälät» Tatarstan Respublikasınıñ yaşlär ictimagıy fondı, «Sälät» yaşlär üzäge yardäme belän, Tatarstan mägarif häm fän ministrlıgı, Tatarstan Respublikası mädäniyat ministrlıgı, Tatarstan Respublikasınıñ yaşlär eşläre ministrlıgı belän berlektä, KFU xalıkara mönäsäbätlär institutı, Alekseewsk munitsipal rayonı administratsiyase katnaşında oeştırıla.

Konferentsiya programması tübändäge temalarnı üz eçenä ala: 

• «Böek Bilär kalası: tarix, bügen häm kiläçäk»

• Böek Bilär tiräsendäge awıllar tarixı (tarixi yazmalar, istäleklär, riwayatlär)

• «Änwär Xäyri mirası»        

• «Min yaratam sine, tugan cirem» (misal öçen, mäktäbeñ tarixı, awılıñ tarixı, yaşägän uramıñ tarixı h.b.)      

• «Gailäm tarixı» (misal öçen, minem şäcäräm, gailäm belän bäyle bulgan istäleklär)

• Änwär Xäyrineñ «Şähre Banu – Şärbän kıyssası» isemle kitabı nigezendä yazılgan dokladlar.

Bıel fänni-gamäli konferentsiyadä katnaşırga teläüçelärneñ sanı 100 dän artıp kitte. Çittän torıp katnaşu etabında fänni eşlärneñ Oeştıru komitetı tarafınnan barlık kagıydälär nigezendä eşlängänlege tikşerelde, şunnan soñ ekspertlar sowetı iñ yaxşı eşlärne saylap aldı.

Ekspertlar sostawı karşında eşne täkdim itü etabına saylap alıngan iñ yaxşı fänni eşlär awtorlarınıñ isemlege.

1 - 3 dekabr könnärendä älege yaşlär «Fänsar» üzägendä uzaçak konferentsiyaneñ ikençe etabında katnaşaçak.