«Sanak-lab»nıñ közge smenası niçek ütte? ← kire kaytirga

«Sanak-lab» uku-ukıtu laboratoriyaseneñ közge smenasında sälkeşlär urta gasır moxitenä çumdı. Küçmä sessiyaneñ tematikası näk menä ütkängä kaytu belän bäyle. Ämma däreslär – zamança! IT, 3D modelläşterü, Web-design häm başka bik küp kızıklı yunäleşlär – bolar barısı da «Sanak-lab» laboratoriyasendä. 
 
Näticälär belän tanışıp kitik!

Python telendä programmalaştıru däresendä sälkeşlär:

• Codecombat uenında Python sintaksisı belän tanıştılar;

• Code-basis platformasında Python teleneñ töp konstruktsiyalären häm komandaların öĭrändelär;

• «Zmeĭka» uenın buldırdılar.

Wideomontaj därese

Monda balalar Adobe Premiere Pro, Adobe After Effects, Adobe Media Encoder kuşımtaları belän tanıştılar, uñışlı rakurslar tabarga öĭrändelär häm, berniçä wideo töşerep, alarga törle effektlar östädelär.

3D modelläşterü

Älege yunäleşkä yörgän sälkeşlär Fusion 360 programması belän tanıştı, obektlarnı külämle itep küz aldına kiterergä öyrände. Küçmä sessiyaneñ tematikası Urta gasır däüläte bulganga, däreslärgä yörgän härber sälkeş üz saraen buldırdı.

Web-design

Bu därestä sälkeşlär Figma kuşımtası belän tanıştılar, töslärne bergä kullanu serlärenä töşendelär häm xätta üzläreneñ biznes-ideyalären dä uylap çıgardılar. Soñınnan isä proektları öçen lending bitlären buldırdılar!

Şulay uk smena däwamında «Olimpiadnoe programmirowanie» häm ingliz tele däresläre alıp barıldı. Alarga da sälkeşlär zur kızıksınu belän yörde.