Radik Yulyakşin: «Balalarım tugaç, min alarnı «Sälät»kä cibäräm» ← kire kaytirga

Kiçä Bilärdä XI Xalıkara «Cälät» yaşlär uku-ukıtu forumınıñ dürtençe smenası - Media Bilär Forum (Media /Media) tämamlandı.

Smenada töbäk Sälät klubları liderları, Tatarstan Respublikasınıñ mäktäp yaki rayon aktiwistları, başka töbäklärdä ütkän fän olimpiadaları häm konferentsiyalärneñ prizlı urın iyaläre katnaştı. Forumga Rossiyaneñ Başkortostan, Udmurtiya, Mariy-El Respublikalarınnan, Orenburg, Samara, Perm i Ulyanowsk ölkälärennän balalar kilde.

Smenanıñ yabılu könendä Tatarstannıñ häm Başkortstannıñ atkazangan artistı Radik Yulyakşin (Elvin Grey) belän icadi oçraşu buldı.

«Min «Sälät» forumı turında küptän beläm. Monda kilü belän minem başıma kilgän berençe fiker: min mäktäptä ukıganda, mondıy lagerlar häm forumnar bulmadı. Min bäläkäy wakıtımda mondıy cirgä kilergä telär idem, xäzer üzemneñ monda buluıma min bik şat, - dip söyläde Radik. - Balalarım tugaç, «Sälät» atmosferasın üzläre sizsennär öçen min alarnı biregä cibärermen dip uylıym».

Media Bilär Forumnıñ (Media/Media) uku-ukıtu programması mediaresurslar belän eşläüneñ zamança ısullarına bagışlandı.

Ostaxanälär häm lektsiyalär kısalarında çakırılgan belgeçlär sotsial çeltärlärdä şäxsi blog alıp baru, tekstlar yazu, SMMda trendlar turında söylädelär, PR-belgeç, jurnalist eşe belän tanıştırdılar.

Icadi laboratoriyalärdä katnaşuçılar üz ostazları belän foto häm wideo texnika belän eşlärgä, alarga material töşerergä, anı montajlarga öyrändelär.

Smenada marketing, SMM, bloging ölkäsendäge belgeç Alinä Gimaltdinowa, kreatiw prodyuser, PR ölkäsendäge belgeç Waleriya Kim, «Gromkie rıbı» kreatiw agentlıgı belgeçe Timofey Şaragin, rejisser, YouTube-kanalındagı Skyeng wideoprodakşenı stsenaristı häm citäkçese Ekaterina Germ-Uwarowa, «Şayan TW» telekanalı redaktsiyase jurnalistları, «Yalkın» jurnalı häm başka belgeçlär buldı.

Media Bilär Forumda (Media/Media) G.Kamal isemendäge Tatar däülät akademiya teatrı, Mäskäü däülät «Sowremennik» teatrı, A.P. Çexow isemendäge Mäskäü sängat teatrı rejisserı, «Altın bitlek» premiyase nominantı, GITIS ukıtuçısı Aydar Cabbarow ostaxanä alıp bardı.

«Minem öçen Cälät - ul energiya almaşu, min moña «Cälät – Ruxiyat» alanında ukıtuçı bulganda uk töşendem. Min täcribäm belän büleşäm, ä balalar minem belän yaşlek, şatlık häm bäxet energiyase belän urtaklaşalar, dip söyläde Aydar Cabbarow. - Biredä 4-5 kön eçendä tuplangan köç, ilham ber elga citä. Cälättä icat itü, xatalar yasau, alarnı tözätü häm alga taba xäräkät itü öçen ilham alasıñ». Interwyunıñ tulı tekstı saytta urnaştırılgan.

Alda forumnıñ bişençe smenası - Mäglümati texnologiyalär Bilär Forum (Informatsionnıe texnologii/Information Technologies). Ul 27 iyuldä başlana. Smena kısalarında forumnıñ töp yunäleşläre: IT häm mägarif, IT-trendlar, IT häm bizneska bagışlangan profille ostaxanälär häm uku-ukıtu mäydançıkları eşçänlege planlaştırılgan.