«Ellar uzgan saen Sälät belän Adımnarnıñ xezmättäşlege nıgıy gına bara»: Bilärdä «Sälät» uku-ukıtu forumı start aldı ← kire kaytirga

Bilär tarixi-arxeologik muzey tıyulıgı territoriyasendä XII Xalıkara yaşlär uku-ukıtu forumınıñ berençe smenası – HÖNÄRLÄR BILÄR FORUM (Remesla/Junior skills) açıldı.

Açılu tantanasında sälamläü süze belän «Sälät» yaşlär üzäge direktorı Aygöl Gabdraxmanowa çıgış yasadı. «Minem bu iskitkeç urınga, başcitäklärgä, äydamannarga häm, älbättä, katnaşuçılarga çiksez räxmätemne belderäsem kilä. Sez bulmasagız, bu forum bulmas ide, - dide ul. Läzzätlänegez, yal itegez, ber-beregez belän tanışıgız häm gomerlek duslar tabıgız. Bez sezne yaratabız häm härwakıt «Sälät»tä kürergä şatbız».

Forumda katnaşuçılarga Alekseewsk munitsipal rayonı başlıgı urınbasarı Galina Belowa möräcägat itte. «Bez borıngı Bilär cirendä yaşlärebezneñ iñ yaxşı wäkillären kabul itärgä şatbız. Alekseewsk rayonı öçen Sälät – tarixnıñ ber öleşe genä tügel, ul, berençe çiratta, nık duslık, ul ozak ellar däwam itär dip ömetlänäm», — dip urtaklaştı ul.

Berençe smenada fän olimpiadaları, konferentsiyalär häm icadi festiwallärneñ ciñüçeläre häm prizerları, «Adımnar — belemgä häm tatulıkka yul» polilingwal belem birü kompleksınıñ 6-11 sıynıf ukuçıları, şulay uk profille Sälät alannarına konkurs saylap aluın uzgan balalar katnaşa.

«Adımnar» polilingwal kompleksında Sälät sıynıfları citäkçese Aynur Camaletdinow ike oeşmanıñ üzara eşçänlegeneñ möhimlege turında söyläde.

«Ellar uzgan saen «Sälät» belän «Adımnar»nıñ xezmättäşlege nıgıy gına bara. Bezneñ maksatlarıbız urtak: bez tatar telen üsterergä häm anı öyränü öçen kızıklı itärgä telibez. «Adımnar»nıñ köçle belem birü bazası bar, ä bez üz çiratıbızda balalarga küpkırlı ukudan tış eşçänlek biräbez: polilingwal kompleksnıñ barlık ukuçıların klublar, turnirlar, profille smenalar häm başka küp çaralar kötä. Ä bıel bez «Ostaz» programması kısalarında ukıtuçılar öçen dä däreslär oeştırdık, — dip söyläde ul.

Berençe smena HÖNÄRLÄR BILÄR FORUMnıñ (Remesla / Junior skills) töp ideyase – mäktäp ukuçılarına xäzerge zaman häm kiläçäk hönärlären üzläşterü öçen yaña mömkinleklär tudıru. Älege smenada katnaşuçılar üzlären törle ölkälärdä sınap karıy ala. Räsem sängate häm sketçingtan alıp mobil robototexnika häm neyrotexnologiyalärgä kadär. «Adımnar» mäktäbe ukıtuçıları öçen äydäp baruçı belgeçlärdän maxsus «Ostaz» proektı buldırıldı.

Forumda «Canlı Sälät» turıdan-turı efirlar studiyase üz eşen däwam itäçäk. Här telägän keşe, öennän çıkmıy gına da, forumnıñ onıtılmaslık moxitenä kuşıla, Bilär cirendä bargan wakıygalarnı küzätä alaçak. Translyatsiyalär forumnıñ WKontakte häm YouTube ofitsial akkauntlarında alıp barılaçak. Berençe translyatsiya 25 iyundä 18:00 sägattä uzaçak, anı forumnıñ WKontakte häm YouTube ofitsial akkauntlarında kararga mömkin.

Tatarstan Respublikası Räise Röstäm Miñnexanow yardäme belän uzdırıluçı yaşlär proektı Tatarstan Respublikası rayonnarınnan 14 000 sälätle balanı, ostazlarnı, Rossiyaneñ başka töbäklärennän häm çit illärdän watandaşlarnı berläşteräçäk.

Smenalarnıñ ütkärelü wakıtı:

HÖNÄRLÄR BILÄR FORUM (Remesla / Junior skills) 23 - 27 iyun

ICAT BILÄR FORUM (Tworçestwo / Arts) 30 iyun - 5 iyul

KARERA TEXNOLOGIYaLÄRE BILÄR FORUM (Karernıe texnologii / Career Technology) 10 - 15 iyul

MEDIA BILÄR FORUM (Media) 19 - 25 iyul

MÄGLÜMATI TEXNOLOGIYaLÄR BILÄR FORUM (Informatsionnıe texnologii / Information Technologies) 28 iyul - 3 awgust

ALDINGILAR BILÄR FORUM (Perwıe / Forward) 7 - 11 awgust