«Sälät ITdan başlandı»: Bilärdä Sälätneñ IT smenası açıldı kire kaytirga

«Sälät ITdan başlandı»: Bilärdä Sälätneñ IT smenası açıldı

Kiçä Bilär tarixi-arxeologik muzey tıyulıgı territoriyasendä XI Xalıkara «Sälät» yaşlär uku-ukıtu forumınıñ bişençe smenası - Mäglümati texnologiyalär Bilär Forum (Mäglümat texnologiyaläre /Information Technologies) açıldı.

Açılış tantanasında «Sälät» yaşlär üzäge direktorı Aygöl Gabdraxmanowa çıgış yasadı.

«Sälät» - ul üseş kiñlege. Forumda bez balalarga IT dönyasındagı trendlar turında söylibez, alarga üzlären kürsätü häm kiläçäk yulların saylau mömkinlege biräbez.

Sälät ITdan başlandı. 1994 eldagı forumnıñ iñ berençe smenası näk menä IT-yunäleşkä bagışlangan ide. Bu wakıt eçendä küp närsälär üzgäreş kiçerde, ämma şunısı söenderä, Sälätneñ ruxı saklanıp kaldı, ä bu wakıt eçendä forum ber genä buın balalar tärbiyalämäde», - dip assızıkladı ul.

Smena mäglümati texnologiyalärgä bagışlangan. Çakırılgan belgeçlär katnaşındagı tıgız uku-ukıtu programması kısalarında katnaşuçılar aldıngı IT-texnologiyalär häm trendlar belän tanışaçak.

Forum katnaşuçıları - Tatarstan Respublikasınıñ mäktäp yaki rayon aktiwistları, Tatarstan Respublikası «Rossiya mäktäp ukuçıları xäräkäte»neñ mäktäp üzidaräse liderları.

«IT häm mägarif», «IT-trendlar», «IT häm biznes» yunäleşläre buença profille ostaxanälärne häm uku-ukıtu mäydançıkların mäglümati texnologiyalär ölkäseneñ äydäp baruçı belgeçläre ütkäräçäk.

«Wkontakte» wäkilläre Denis Petrakow, Andrey Muraşew häm Tatyana Markina algoritmnarnıñ üzençälekläre belän urtaklaşaçaklar - aerım alganda, niçek alar yardämendä üz biznesıñnı üsterü, kontent belän döres eşläü häm produktnı populyarlaştıru. Şulay uk sotsial çeltär uku-ukıtu maksatlarınnan häm studentlarnıñ massaküläm mäglümat çaraların populyarlaştıru öçen kullanıla. Monnan tış, «Başka eş» kuşımtasında faydalı proektlar buldıru ısulları da öyräneläçäk.

Skysmart uku-ukıtu serwisı wäkilläre Swetlana Goreyda häm Olga Lawrentewa balalarga resurslar çiklängän bulgan şartlarda eşçänlek kırın döres planlaştıru häm saylau turında, şulay uk yaşlärgä IT-dönyaga elägü ısulları häm anda näticäle karera başlau turında söyläyaçäklär.

Iñ gadi kompyuter uennarınıñ niçek uylap tabıluı turında balalar Räzilä Äxmätcanowa häm Zaidä Mingaliewa ostaxanäsendä beläçäk. Belgeçlär Unityda eşläü häm S# programmalaştıru telendä iñ gadi kod yazu täcribäse belän urtaklaşaçak.

Sayt öçen yaxşı kod yazu, kompyuter tözeleşe häm kriptografiya nigezläre turında Mäskäü programmistlar mäktäbe wäkilläre söyläyaçäk.

Monnan tış, smena wakıtında «Canlı Sälät» (SeletLive) turıdan-turı efirlar studiyase üz eşen däwam itäçäk. Translyatsiyalär forumınıñ räsmi WKontakte häm YouTube akkauntlarında alıp barılaçak.