Sälätlelär, cıelabız! Sälättä Açık işeklär köne ← kire kaytirga

24 sentyabr Sälät yortında Açık işeklär köne kısalarında Sälättä el däwamında eşläp kilüçe proektlarga start birelde. Sälät kubınıñ 2021/22 uku elı näticäläre, Sälät proektları häm Açık işeklär köneneñ niçek uzuı xakında tulırak kiläse mäkalädä.

Açık işeklär köne - Sälättä el saen uzdırıluçı çara. Bıel ul yaña formatta ütte. Katnaşuçılar proeklar turında mawıktırgıç kwest uzu wakıtında belde. Başkalabıznıñ törle yugarı uku yortlarınnan kilgän studetlar, ukuçılar, klub ägzaları bik teläp uennarda üz köçlären sınap karadı.

Açık işeklär könendä Sälät dönyası belän berençe tapkır tanışuçılar da buldı. Bu çara alar öçen aerım ähämiyatkä iya.

«Sälät turında mäktäptä ukıganda uk işetkänem bar ide. Gel monda üzem kilergä xıyallandım. Nihayat, bügen Sälät proektları belän yakınnanrak tanıştım. Bu çara minem öçen şundıy faydalı buldı», - dip büleşte Kazan däülät mädäniyat häm sängat uniwersitetınnan kilgän student Ädilä Saxapowa.

«Asıltaş» Sälät mäktäbe çaraları, kışkı «Sälät – Ruxiyat» kışkı «Sälät – Tel», Sanak-lab, Atlant, Bikafest, Yaş yöräklär, Fänsar mäktäbe, «Sälät – Olimp», Mirax, Äydamannar mäktäbe, Äydamannar yarışı, «Sämrux» el premiyase proektları belän tanışu däwerendä Kazan xannarınıñ isemnären yörtkän komandalar arasında iñ citezläre Istemi kagannan bulıp çıktı. Ciñügä laek bulgan katnaşuçılarga istälekle büläklär tapşırıldı.

Çarada şulay uk Sälät klublarınıñ 2021/22 uku elındagı eşçänlegenä näticä dä yasaldı. Sälätle balalar häm talantlı yaşlär belän eşläügä, Sälät klubı eşçänlegenä zur öleş kertkän aktiwistlar, proektlar citäkçeläre räxmät xatları häm yaşel cirlektä surätlängän sigez taclı yoldız – Sälät bilgese belän büläklände.