Estafetanı «Sälät-Tel» kabul itep aldı kire kaytirga

Estafetanı «Sälät-Tel» kabul itep aldı

Bügen cäyneñ ikençe smenası – «Sälät-Tel» start aldı. Ul 8-nçe iyunnän 25enä kadär «Yoldızlı» BSÜdä ütäçäk.

2009-nçı elda «Yoldızlı» bazasında berençe tapkır lingwistik yunäleştäge «Sälät-Tel» alanı uzdırıldı. Ä 2013-nçe eldan alıp, ul Sälät Yortında el däwamında eşli torgan tellär öyränü mäktäbe formatında ütä başladı. Bıel «Sälät-Tel» alanına barırga 2-11-nçe sıynıflarda ukuçı 238 bala yazılgan (plannan bermä-ber kübräk!). Bu balalar – Räsäyküläm häm xalıkara olimpiadalar ciñüçeläre. Alarnı konkurs näticäsendä saylap aldılar.

Alan programması kısalarında «Tatar tele», «Ingliz tele», «Törek tele», «Ispan tele», «Frantsuz tele», «Farsı tele», «Alman tele», «Kıtay tele» yunäleşläre buença däreslär uzaçak.

Älege proektnıñ maksatı – sälätle balalar öçen çit teldä aralaşu moxite tudıru, alarga çit telne yaxşılap öyränü mömkinlege birü. Balalarnı ukıtu eşenä bezneñ il ukıtuçıları gına tügel, çit il wäkilläre, yagni çit telne kamil belüçelär dä cälep itelä.