Sälättän çıkkan yaña Prezident ← kire kaytirga

Bügen, 14-nçe sentyabr könne «Uniks» kontsert zalında «Tatarstan Respublikasınıñ studentlar Ligası»nıñ konferentsiyase uzdı. Älege çara kısalarında «Tatarstan Respublikasınıñ Studentlar ligası» töbäk yaşlär ictimagıy oeşmasınıñ yaña Prezidentı itep ike elga Sälät aktiwistı Rufat Kıyamow saylandı. Annan berençelärdän bulıp interwyu alu bäxete näk menä bezgä elmaydı.

- Rufat, sine saylaulardagı älege zur jiñüeñ belän kotlıybız! Älege şatlıklı xäbärne belgäç sin nindi xislär kiçerdeñ? Mondıy näticägä ireşerseñ dip kötkän ideñme?

- Älege wakıtta min säer häm katnaş xislär kiçeräm. Şatlık, yözlärdä bäxetle elmayu buluga karamastan, üz cilkämdä Respublikamnıñ studentları öçen zur cawaplılık xisen toyam. Köttem diyargä bula... Çönki, min bu ciñüne üz aldıma zur maksat itep kuydım häm aña omtıldım. Ä anıñ näticäse isä sezneñ küz aldıgızda!

- Ni öçen bu saylaularda katnaşırga uyladıñ?

- Biş el bue min Yugarı uku yortında studentlarnıñ üzidaräsen üsterü östendä eşlädem. «Studentlar Ligası»na Prezident saylauları turında işetkäç min üzemä: «Rufat, ni öçen üz täcribäñne Yugarı uku yortında häm institut üsterü öçen genä tügel, ä barlık Respublikaküläm studentlıknı algu etärü öçen kullanmıysıñ?» – digän sorau kuydım. Ciñer öçen, studentlar xäräkäten komplekslı räweştä üsterer öçen katnaşırga buldım.

- Sineñ töp maksatıñ nindi?

- Minem töp maksatlarımnıñ berse – studentlar xäräkäte härçak «işetelgän» bulırga tieş.

- Tatarstan Respublikası studentları tormışına sin nindi üzgäreşlär kertergä teliseñ?

- Berençe çiratta bügenge köndä bulgan goref-gadätlärne, ciñülärne saklarga kiräk, çönki alarga bik küp köç sarıf itelgän! Kiläçäktä isä üzemnän yañalıklar da kertergä uylıym. Minem saylau aldı programması üz eçenä torak-könküreş mäsälälären, sotsial häm çit il studentlarınıñ adaptatsiyalärenä kagılışlı soraularnı ala. Uylanılgan proektlar citärlek. Läkin yañalıklar kerter aldınnan monitoring ütkärep, anı kertü ni däräcädä möhim ikänlegen belü kiräk. Barı tik fiker alışulardan soñ gına nindider üzgäreşlär kertergä bula.

- Ni öçen küpçelek näk menä sineñ öçen tawış birgän?

-Döresen genä äytkändä min monıñ turında uylamadım. Min bik küp Yugarı uku yortlarında bulıp studentlar belän aralaştım, läkin agitatsiya eşe belän şögıllänmädem. Min alar belän barı tik studentlıknı üsterü turındagı fikerlärem belän genä büleştem. Ni öçen mine sayladılar? Belmim... Bälki, alar üz allarında studentlar öçen yaña «işeklär» açılu mömkinlegen kürgännärder.

- Älege däräcägä ireşer öçen 5 kiñäş belän urtaklaş.

- 1. Initsiatiwanı härwakıtta da üz kulıña alırga.

2. Bernigä dä karamastan keşe bulıp kalırga.

3. Äylänä-tirädägeläreñ öçen tayanıç bulırga.

4. Köndäşläreñneñ fikerlären xörmät itärgä.

5. Yaña açışlarga äzer bulırga!

Foto: «Studentlar ligası»