Arts Biler Forum-ga garizalar kabul itä başlıybız! kire kaytirga

Arts Biler Forum-ga garizalar kabul itä başlıybız!

Ul kön kilep citte! Sälätle cäyneñ iñ icadi, iñ kreatiw forumı – Arts Biler Forum-ga garizalar kabul itä başlıybız. 5 nçe apreldän alıp 14 nçe mayga kadär terkälergä bula (kollektiwlar öçen, indiwidual garizalar) 

Arts Biler Forum 2018 nçe eldan birle Tatarstan Respublikası Prezidentı Röstäm Nurgali ulı Miñnexanow yardäme belän ütkärelä. Traditsion räweştä Bilär däülät tarixi-arxeologik muzey-tıyulıgı territoriyasendä uza.

Bıel, X Xalıkara «Sälät» yaşlär belem birü forumınıñ ikençe smenası bularak, 26 nçı iyunnän 1 nçe iyulgä kadär ütäçäk.

Muzıka, biyu, teatr sängate – şuşı 3 yunäleş buença eş alıp barıla. Katnaşuçılar icat laboratoriyalərendä şögıllänä, belgeçlär belän aralaşıp, alarnıñ fikerlären häm täkdimnären işetä, üz sälätlären kürsätä, başka katnaşuçılar həm ekspertlar belən hönäri elemtälär buldıra alaçak. Şuşı maksattan, forumnıñ uku-ukıtu programması nigezendä här yunäleş öçen (härber yunäleşneñ üz ekspertları) beryulı berniçä icadi laboratoriya eşli. Anda katnaşuçılar Forumda saylap alu näticäläre aşa alına.

Forumda katnaşu şartları:

Aerım başkaruçılar da, kollektiwlar da katnaşa ala. Katnaşuçılarnıñ yaşe – 12-22 yaş. Forumda katnaşu öçen www.selet.biz saytında bilgeləngən ürnəktəge gariza tutırıla. Anda döres häm tögäl cawap birüegezne sorıybız, katnaşuçılar şuşı mäglümatka tayanıp bilgelänä. Östäwenä icadi nomernıñ (här yunäleş öçen dä) həm spektaklneñ (teatr yunəleşe öçen) wideoyazmasın cibərergə kirək. Monıñ öçen wideonı Instagram, YouTube, Google Disk yaisə başka internet çeltärlärendä urnaştırırga həm anıñ sıltamasın garizada kürsətergə kirək.

Forumnıñ töp etabında rəsmi çakıru algan başkaruçılar həm kollektiwlar katnaşa alaçak.

Forum 3 etapta ütkärelä:

1 nçe etap – «Katnaşuçılardan garizalar kabul itü»: 2021 nçe elnıñ 5 nçe aprele – 14 nçe mae. Garizalar www.selet.biz saytında kabul itelə.

2 nçe etap – «Çittən torıp saylap alu etabı»: 2021 nçe elnıñ 20 nçe maennan 30 nçı maena kadər. Ekspertlar komissiyase katnaşuçılarnı Forumga tapşırılgan gariza, kürsətelgən kazanışlar həm wideoyazmalar nigezendə saylap ala.

3 nçe etap – «Töp etap. Forumda katnaşu»: 2021 nçe elnıñ 26 nçı iyunennən 1 nçe iyulenə kadər. Forumnıñ ostaxanələr, treninglar, icadi oçraşular, tügərək östəllər, ekspertlar komissiyase təkdime belən rejisser törkeme saylap algan nomerlardan torgan gala-kontsert häm belem birü, icadi laboratoriyalər, mədəni programmasında katnaşu.

ARTS BILER FORUM-nıñ tärtibe, şartları häm nigezlämäse belän biredä tanışa alasız. NIGEZLÄMÄ

Möräcägatlär öçen Forum Direktsiyaseneñ kontaktları:

tel.: +7 9276705671/+7 9870061392 (eş wakıtı: c 9.00-20.00).
email: artsbilerforum@selet.biz