VI «Sämrux» premiyasenä garizalar kabul itä başlıybız! ← kire kaytirga

VI «Sämrux» Respublikaküläm sälätle balalar häm talantlı yaşlär premiyasenä garizalar kabul itä başlıybız!

Premiya Tatarstan Respublikası «Sälät» yaşlär ictimagıy fondı tarafınnan Tatarstan Respublikası xökümäte yardäme belän oeştırıla.

Premiyaneñ maksatı: Sälät xäräkätendä katnaşuçı sälätle balalarnı häm talantlı yaşlärne büläkläü, Sälät aktiwistlarınıñ, partnerlarınıñ, proektlar awtorlarınıñ häm oeştıruçılarnıñ eşenä bäya birü.

Respublikaküläm «Sämrux» sälätle balalar häm yaşlär premiyasendä Sälät xäräkätendä aktiw balalar, yaşlär, ukıtuçılar katnaşa.

Premiya dürt etapta uzdırıla:

1 nçe etap – «Garizalar kabul itü». Katnaşuçılar garizanı raslangan forma belän www.selet.biz saytında tutıralar häm portfolioların oeştıru komitetına cibärälär.

Wakıtı – 2020 elnıñ 30 nçı noyabrenä kadär.

2 nçe etap – «Katnaşuçılarnı saylap alu. Çittän torıp katnaşu etabı». Katnaşuçılarnı portfolio nigezendä saylap alu.

Wakıtı – 2020 el, 1 - 4 nçe dekabr.

3 nçe etap – «Katnaşuçılarnı äñgämä nigezendä saylap alu». Kandidatlar belän äñgämäne ekspertlar sowetı uzdıra häm bäya birä, anıñ töp maksatı – katnaşuçınıñ eşçänlege turında tulırak mäglümat alu.

Wakıtı – 2020 elnıñ 8 nçe dekabrennän - 2021 elnıñ 19 nçı gıynwarına kadär.

4 nçe etap – «Tantanalı räweştä premiyane tapşıru». 2021 el, fewral – laureatlarnı häm premiyaneñ ciñüçelären büläkläü. Tantananı ütkärü datası häm wakıtı oeştıru komitetı tarafınnan östämä räweştä xäbär itelä.

El saen uzdırıluçı «Sämrux» premiyase tübändäge nominatsiyalär buença ütkärelä:

          - «El direktorı» (älege nominatsiyadä barı tik «Sälät 2020» profille alannar direktorları gına katnaşa ala).

          - «El ölkän äydamanı» (älege nominatsiyadä barı tik «Sälät 2020» profille alannarnıñ ölkän äydamannarı gına katnaşa ala).

          - «El alanı» (älege nominatsiyadä barı tik «Sälät 2020» profille alannarı gına katnaşa ala).

          - «El sälkeşe» (älege nominatsiyadä 14 yaştän alıp 18 yaşkä kadär bulgan, Sälät xäräkätendä aktiwlıgı 2 eldan da kim bulmagan sälkeşlär katnaşa ala).

          - «El äydamanı» (älege nominatsiyaneñ laureatları häm ciñüçese Respublikaküläm «Äydamannar yarışı 2020» bäygese näticäläre nigezendä bilgelänä).

          - «El klubı» (Sälät xäräkätendä kimendä ber el eşçänlek täcribäse bulgan klublar gına katnaşa).

          - «El kuldaşları» (älege nominatsiyadä Sälätneñ 2020 nçe elnıñ  profille smenasında kuldaş bularak (ber törkemdä) eşlägännär genä katnaşa ala).

          - «Sälät cırlıy» (älege nominatsiyadä 2019 – 2020 nçe ellarda awtorlık cırı (süzläre häm köe awtorlar tarafınnan icat itelgän, şulay uk awtor aranjirowkaları da bulırga mömkin) katnaşa ala).

Bıel ör-yaña ber nominatsiya östälde – «El initsiatiwası» nominatsiyase. Älege nominatsiyadä töbäk «Sälät» klubları häm Sälät aktiwı mäktäbe proekt törkemnäre eşçänlege kısalarında tormışka aşırılıp, uñışka ireşkän proektlar katnaşa. Proektnı tormışka aşıru wakıtı ber aydan da kim tügel.

Bu elgı «Sämrux» premiyaseneñ tagın ber üzençälege: portfoliolar elektron räweştä kabul itelä. Katnaşuçı zayawkasında tutırılgan gariza häm elektron portfolio bulırga tieş.

Portfolio nidän gıybärät:

          - rezyume, täkdim itü xatları, bäyalämälär;

          - diplomnar, räxmät xatları, gramotalar, maktau gramotaları, sertifikatlar;

          - illyustratsiyalär (fotosurätlär, basma massaküläm mäglümat çaralarınnan kopiyalär, wideomateriallar h.b.);

          - soñgı ike el eçendä ireşkän uñışlarnı raslauçı başka dokumentlar.

Formal şartlar:

          - dokument tutıru: tekstlar uku öçen añlaeşlı, ukırga caylı itep häm bitneñ ber yagına yazılırga tieş;

          - katnaşuçınıñ uñışların raslauçı dokumentlar (diplomnar, büläklänülär, räxmät xatları, basma matbugat çaralarında çıkkan yazmalar) elektron räweştä (kopiya yaki sıyfatlı foto) häm ber dokumentka tuplap tapşırılırga tieş;

          - illyustratsion materiallar, garizalar (foto häm wideo) elektron formatta dokumentlar belän ber faylda birelergä tieş.

Garizalar 2020 elnıñ 30 nçı noyabrenä kadär kabul itelä.

Elektron portfoliolar fleşkada oeştıru komitetına tapşırıla. Oeştıru komitetı adresı: Sälät Yortı, Kazan şähäre, Ostrowskiy uramı, 23 nçe yort, 3 nçe bülmä. Yaki oeştıru komitetınıñ elektron poçtasına cibärelä: samruh@selet.biz.

Beleşmä öçen telefon: + 7 (843) 292 - 16 - 00.

Nigezlämägä turı kilmägän garizalar konkursta karalmıy.

Tulırak mäglümat häm bäya birü kriteriyları belän NIGEZLÄMÄdä tanışa alasız.

Garizanı monda tutırırga mömkin.