Iñ eş birelä torgan 4 sorau ← kire kaytirga
Bezgä soraular bik küp kilä. Bügen şularnıñ iñ eş yañgırıy torgannarına cawap birergä buldık.
1-nçe SORAU: Saytta gariza birä (dokument berketä, sayttagı üz akkauntıma kerä h.b.) almıym. Miña nişlärgä?
CAWAP: Alannarga yazılu portfolio-selet.ru saytında alıp barıla. Ägär nindi dä bulsa sorau tua ikän, portfolio-selet.ru saytında sul yakta östä urnaşkan sorau bilgesenä basıgız. Anda basıp, üzegezne borçıgan soraunı texnik yardäm kürsätü üzägenä (texpodderjka) yazıp cibärergä mömkin. Alar sezneñ soraunı karap, cawabın biräçäk.
2-nçe SORAU: Alanga baru akçasın tülägäç, yullamanı (putewka) kayan häm niçek alası?
CAWAP: Ägär «Yoldızlı» häm «Fänsar» bazalarında uzaçak cäyge alannarga barasız ikän, bu mäglümat sezneñ öçen: yullama akçasın tülägäç häm kwitantsiyaneñ fotosuräten saytka kertkäç, yullamanı alırga Sälät Yortına (Kazan, Ostrowskiy ur., 23) kilä alasız.
Üzegez belän
- balanıñ pasportın/tuu turında tanıklıgın,
- SNILS,
- INN küçermälären alıp kilegez.
Balanıñ INN bulmagan oçrakta, äti-änineñ dä pasport, SNILS, INN küçermälären alıp kilegez.
Putewkalar artınnan:
Düş
9:00-19:00
Çär
10:00-15:00
Pänc
8:00-17:00 kilergä mömkin.
«Yoldızlı» häm «Fänsar» bazalarında uzmıy torgan alannarga yullamanı kaydan häm niçek alu turında sezgä üzegez yazılgan alannıñ citäkçeläre şaltıratıp xäbär itär.
3-nçe SORAU: Alannarda aşatu niçek bulaçak, balalar kayda toraçak ikän – ana keşe bularak şul sorau kızıksındıra.
CAWAP: Sälätneñ räsmi saytında (selet.biz) ALANNAR digän bülek bar. Şunda üzegez barası alan isemenä bassagız, gomumi mäglümat astında alannıñ direktorı häm ölkän äydamanı, alarnıñ kontaktları kürsätelgän. Üzegezne kızıksındırgan soraularnı alarga birä alasız.
4-nçe SORAU: ARTS BILER FORUMga barasım kilä, ul tüläüleme? Forumda katnaşu öçen miña nişlärgä kiräk?
CAWAP: ARTS BILER FORUMda katnaşu tüläüsez. selet.biz saytında SÄLÄT FORUMI digän bülektän ARTS BILER FORUMnı (Smena 2) ezläp tabıgız. Anda gariza birü tärtibe añlatılgan. Garizalar 21-nçe mayga kadär kabul itelä.