Sälätneñ ör-yaña cäyge smenasın buldıru turında xıyallana ideñme? Bez sineñ xıyallarıñnı işettek häm 18 könlek yaña smenanı uylaunı näk menä siña ışanıp tapşırırga buldık!

Xäzerge wakıtta «Yoldızlı» BSÜdä 4 smena ütä. 2019-nçı elnıñ cäendä uzaçak öçençe häm dürtençe smenalarnıñ awtorı sin bula alasıñ! Monıñ öçen selet.biz saytında maxsus gugl-formanı gına tutırırga kiräk.
Bu möhim:
- smenanıñ kontseptsiyase Sälätneñ gomumi prizmasına (Akıl, rux häm tel berlege) turı kilerlek bulsın;
- kontseptsiya awtorı häm anıñ komandası kıska, läkin tulı itep üz ideyalären añlatırga häm «ni öçen näk menä sezneñ ideya cäyge smena räweşendä tormışka aşarga tieş?» digän sorauga cawap birergä tieş.