VIII açık Flüs Latıyfi isemendäge «Sälätkä nur bulgan yoldızlar» ädäbi bäygesenä gariza birü kampaniyase üz eşçänlegen başlap cibärde.    

Konkursnıñ maksatı – talantlı yaş awtorlarnıñ tatar ädäbiyatı ölkäsendäge icadi potentsialın üsterüdä bulışlık kürsätü.
Konkurs üz aldına tübändäge burıçlarnı kuya häm gamälgä aşıra:

– ädäbiyat ölkäsendä sälätle balalarnı häm yaşlärne barlau, alarga icadi yaktan kamilläşüdä, üsüdä yardäm kürsätü;
– balalarda häm yaşlärdä estetik zäwık häm ädäbi mädäniyatkä mäxäbbät tärbiyaläü;
– sälätle yaş yazuçılarnıñ igtibarın xäzerge zaman tatar ädäbiyatına häm tatar xalkınıñ ruxi mirasına yunälderü;
– talantlı yazuçı häm «Sälät» oeşması katnaşuçılarınıñ ostazı tanılgan tatar yazuçısı Flüs Latıyfinıñ isemen «Sälät» moxitendä yañgıratu häm yaşätü;
– sälätle yaşlärne «Sälät» oeşmasınıñ proektalarına çakıru.


«Sälät»kä nur bulgan yoldızlar» konkursında 11 yaştän alıp 22 yaşkäçä mäktäp ukuçıları häm studentları katnaşa. 

Konkurs şigriyat, çäçmä äsär, dramaturgiya, balalar ädäbiyatı häm publitsistika nominatsiyalärendä ütä. Kazıylar şurasına Tatarstan Yazuçılar soyuzı ägzaları, tanılgan şagıyrlär, yazuçılar, jurnalistlar kerä.

«Sälätkä nur bulgan yoldızlar» konkursı berniçä etapta ütkärelä:

– 18-nçe fewral 2019 el – 1-nçe aprel 2019 el– garizalarnı kabul itü etabı; 
– 2-nçe aprel 2019 el – 4-nçe aprel 2019 el – icadi eşlärne konkurska saylap alu etabı;
– 4-nçe aprel 2019 el – 13-nçe aprel 2019 el – konkurska kabul itelgän eşlärne kazıylar şurası tarafınnan bäyaläü etabı;
– 19-nçı aprel 2019 el – konkursnıñ finalı Kazanda Sälät Yortında (Ostrowskiy ur., 23-nçe yort) uzdırılaçak.

Konkursta katnaşu öçen garizalarnı monda kaldırıp bula.

Konkurs eşläre selet.nur@gmail.com adresı buença elektron poçtasına kabul itelä. 

Garizalarnı kötep kalabız!

Nigezlämä