Bişençe forum. Öçençe kön. ← kire kaytirga

«Sälät»täge öçençe könebez küñelle wakıygalarga, syurprizlarga aeruça bay buldı. Irtädän kiçkä (xätta töngä) kadär wakıtıbız sizelmiçä uzdı da kitte.

Äle tatlı yokıdan uyanırga da ölgermägän sälkeşlär, köy-moñ tawışın işetep, küzlären açtılar. Tatarça cırlarnı tıñlıy-tıñlıy, yuıngannan soñ, irtänge zaryadka başlandı. Dinar häm Söläyman abıylarnıñ bezneñ belän künegülär yasawı bik küñelle ide. Annarı bergäläşep biep tä aldık.

Könneñ ikençe yartısında woleybol uynadık. Kön esse buluga karmastan, bez anı sizmädek tä, çönki uen mäydançıgında aeruça kızulık köçle. Härber sälkeş üz alanı öçen can ata. Katnaşuçılarnı inde küptänge duslar kebek yakın bulgan törkemdäşläre ciñügä ruxlandırıp tordılar. Mondıy canatarlar bulganda ciñep bula. Nihayat, näticälärne iglan ittelär: 3 nçe urınnı Kültägin, ikençe urınnı Ilkam xan aldı. Ä berençe urınnı laeklı räweştä Kubrat xan alanı yauladı.

Kiç belän KWN ütte. Ul da kızıklı buldı. Bez kiçä wakıtında, räxätlänep, eç katkançı köldek tä, üz alanıbız ciñsen öçen boçıldık ta. Uenda törle-törle nominatsiyalär bar ide: «Iñ yaxşı mäzäk», «Iñ yaxşı akter», «Iñ yaxşı aktrisa» häm başkalar. Kubrat xan alanı bu yulı da sınatmadı – öçençe urınnı aldı. Ikençe urında – Kodrak xan, berençe urın Bilge kagan alanında. Gran-pri iyase – Asparux xan alanı.

Tön citügä karamastan, taralışasıbız kilmäsä dä, üzbezneñ palatkalarıbızga kayttık. Yoklarga wakıt, çönki irtägä tagın da küñelleräk kön kötä bezne.

                                                                             Sälkeş Älfinur