Berençe tapkır SÄLÄT CIENI ONLAYN uzaçak! ← kire kaytirga

11-nçe apreldän berençe SÄLÄT CIENI ONLAYN cıenına garizalar kabul itä başlıybız! Garizalar 16-nçı aprelgä kadär kabul itelä. Ä cıen üze 19-nçı aprel könne 9:00 sägattän 21:00 sägatkä kadär uzaçak.

SÄLÄT CIENI ONLAYN katnaşuçıları – Sälätneñ 2020-nçe elgı cäyge alannarına saylap alınuçılar, şulay uk 16-nçı aprelgä kadär selet.biz saytında gariza kaldırıp, katnaşırga teläk belderüçelär.

SÄLÄT CIENI ONLAYN @selet.official akkauntında 12 sägatlek tuktausız live formatında uzaçak, cıenda Sälätneñ dusları, fikerdäşläre, kunaklar belän turı translyatsiyalär oeştırılaçak, şulay uk maxsus çatlarda här alannıñ üz çaraları bulaçak.

Onlayn cıen programmasında: räsmi açılu tantanası – anda sälamläü süze belän Sälät proektları citäkçese Ädip Älmir dä çıgış yasayaçak; alan direktorları belän turı efirlar; törkem wakıtı; ostaxanälär; turı efirda töşke häm kiçke aşlar («bezneñ kunak belän bergäläp äzerlibez» formatında); törle illärdä yaşäüçe watandaşlar belän turı efirlar; intellektual turnir. Cıen Sälät dusları katnaşında «kwartirnik» formatındagı kontsert häm şämçeklär belän tämamlanaçak.