«Bikafest» – yaña formatta! ← kire kaytirga

17-18-nçe noyabr könnärendä Sälät Yortında R.Bikmullin isemendäge yaşlär cır-şigır «Bikafest» festiwale uzaçak. Bıel ul yaña formatta ütkärelä, katnaşuçılarnı küp kenä syurprizlar kötä.

Respublikaküläm R.Bikmullin isemendäge yaşlär cır-şigır «Bikafest» festiwale Tatarstan Respublikası yaşlär eşläre häm sport ministrlıgı yardäme belän «Sälät» Klubı häm «Sälät» Tatarstan Respublikası yaşlär ictimagıy fondı tarafınnan oeştırıla.

Festiwal 2001-nçe eldan «Sälät» berläşmäseneñ yakın dustı Röstäm Tälgat ulı Bikmullinnıñ isemen mäñgeläşterü maksatınnan ütkärelä başlagan ide. 

Festiwal üz aldına tübändäge burıçlarnı kuya häm tormışka aşıra:

- icatka sälätle balalarnı yaştän barlau, sälätlären, mömkinleklären açu öçen kiräkle şartlar buldıru, alar belän daimi eşläü;

- balalarda häm yaşlärdä estetik zäwık, muzıkaga mäxäbbät tärbiyaläü;

- awtor-başkaruçı Röstäm Bikmullinnıñ istälegen mäñgeläşterü.

Festiwal el saen 12-30 yaş aralıgında bulgan  250-läp katnaşuçını cıya. 

17-nçe noyabr könne Sälät Yortında 10:00 festiwalneñ saylap alu etabı uzaçak.

«Bikafest» festiwale tübändäge nominatsiyalär buença ütkärelä:

- iñ osta awtor-başkaruçı;

- iñ osta kollektiw-başkaruçı;

- tatar xalık cırın iñ osta başkaruçı;

- tatar kompozitorlarınıñ akademik äsären iñ osta başkaruçı;

- üz äsären iñ osta yattan ukuçı (şigır, proza, ädäbi-muzıkal kompozitsiya);

- başka awtor äsären iñ osta yattan ukuçı (şigır, proza, ädäbi-muzıkal kompozitsiya).

Bügen tatar estradası häm şigriyatendä isemnäre yañgırıy torgan Asılyar, Ilnaz Safiullin, Aydar Söläymanow, Läysän Äsxätowa, Robert Mortazin, Miläüşä Safina, şagıyrlär Gölnaz Garipowa, Yoldız Miñnullina, Liliya Gibadullina, Läysän Fätxetdinowa, Alinä Bikmullina, Rifat Säläxow h.b. icat yulların «Bikafest»ta başlagan şäxeslär.     

Bıelgı festiwalneñ möxtäräm  jyuri ägzaları:

Wokal blogı:
1. Rimma Ibrahimowa – cırçı, TRnıñ xalık artistı, M.Cälil premiyase laureatı, festiwalneñ jyuri räise; 
2. Rif Gataullin – kompozitor, TRnıñ kompozitorlar soyuzı ägzası; 
3. Ilnaz Safiullin – tatar estradası cırçısı, R.Bikmullin festiwale ciñüçese, Sälätneñ yakın dustı; 
4. Läysän Arsentewa – Sälät sandugaçı, R.Bikmullin festiwale ciñüçese, dotsent, Sälät proektlarında aktiw katnaşuçı; 
5. Aygöl Tabaewa – TRnıñ atkazangan artistı, Räsäy häm xalıkara bäygelär laureatı;
6. Elmir Nizamow – tanılgan kompozitor; 
7. Zöhrä Şärifullina – tatar estradası cırçısı, TRnıñ atkazangan artistı. 

8. Alsu Tacetdinowa – «Yaña däwer» muzıkal proektı oeştıruçısı;

9. Ramil Tacetdinow – «Yaña däwer» muzıkal proektı prodyuserı.

Şigriyat blogı:
1. Rämis Äymät – şagıyr, TRnıñ yazuçılar soyuzı räise urınbasarı, festiwalneñ jyuri räise; 
2. Bulat Ibrahimow – şagıyr, TR yazuçılar soyuzı ägzası, «Zwezdnıy bilet 2015» xalıkara premiya laureatı; 
3. Röstäm Gayzullin – K.Tinçurin teatrı akterı; 
4. Fänil Gıyläcew – şagıyr, TR yazuçılar soyuzı ägzası; 
5. Fänis Cihanşa – TR atkazangan artistı, G. Kamal teatrı akterı; 
6. Läysän Fäyzullina – G.Kamal teatrı akterı; 
7. Rabit Batulla – yazuçı, Sälät berläşmäse ostazı; 
8. Yoldız Minnullina – şagıyrä, Sälät proektlarında aktiw katnaşuçı; 
9. Luiza Yansuar – şagıyrä TR yazuçılar soyuzı ägzası, S.Söläymanowa isemendäge şigır bäygese laureatı.

Programma

18-nçe noyabr 17:00 Sälät Yortında (Ostrowskiy ur., 23) festiwalneñ gala-kontsertı uzaçak. Katnaşuçılarga uñışlar teläp kalabız!