Timur Söläymanow: «Sälätneñ missiyase – tatar telen üsterü häm saklau öçen moxit buldıru» kire kaytirga

Timur Söläymanow: «Sälätneñ missiyase – tatar telen üsterü häm saklau öçen moxit buldıru»

Xalıkara «Sälät» yaşlär uku-ukıtu forumı bıel 11 nçe tapkır uzaçak. Ul 26 iyunnän 8 awgustka kadär Bilär tarixi-arxeologik muzey tıyulıgı territoriyasendä ütä. Forumga äzerlek turında bügen «Tatar-inform» mäglümat agentlıgında uzgan matbugat konferentsiyasendä söylädelär.

Çarada Tatarstan Yaşlär eşläre ministrı Timur Söläymanow, «Sälät» yaşlär üzäge direktorı Aygöl Gabdraxmanowa, «Sälät» yaşlär üzäge direktorı urınbasarı, «Sälätle cäy» üzäge citäkçese Igor Smirnow, ICAT BILÄR FORUM smenasınıñ biyu yunäleşe citäkçese, xoreograf Wenera Galimowa katnaştı.

«Forumnıñ töp missiyase – tatar telen üsterü häm saklau öçen moxit buldıru. Sälätkä kilgäç, balalarda tatar telenä karata kızıksınu uyana. Alar berläşmäneñ cırların tıñlıylar, kızıklı şäxeslär belän tanışalar, üzara tatar telendä aralaşa başlıylar. Forumda balalarda telne öyränü motiwatsiyase barlıkka kilä», – dip bilgeläp ütte TR Yaşlär eşläre ministrı Timur Söläymanow.

2022 el respublikada Tsifralaştıru elı dip iglan itelde. Ministr süzlärençä, balalar mäglümati texnologiyalär dönyası belän tanışaçak. Forum kısalarında IT ölkäsen öyränü buença profille ostaxanälär häm uku-ukıtu mäydançıkları planlaştırılgan.

Aygöl Gabdraxmanowa här katnaşuçınıñ kurkınıçsızlıgına, ruxi häm psixologik sälamätlegenä aerım igtibar birelüen söyläde.

«Forumnı oeştıruga Gadättän tış xällär ministrlıgı, Eçke eşlär ministrlıgı häm Rospotrebnadzor cälep itelgän. Bez çatırlı lagerlärgä kuelgan barlık yaña taläplärgä häm kagıydälärgä yaraklaşabız, – dip bilgeläp ütte spiker. – Forum territoriyasendä katnaşuçılarnıñ uñaylı häm kurkınıçsız yaşäwe, ukuı häm yal itüe öçen barlık şartlar da tudırılgan. Bıel yanädän ekskursiyalär oeştırılaçak, forumda katnaşuçılar äydamannarı belän bergä Bilärneñ tarixi urınnarına bara alaçak».

Aygöl Gabdraxmanowa söyläwençä, forum territoriyase yabık bulaçak, çit keşelärgä kerü tıela.

«Smenalarda, gadättägeçä, törle yaş kategoriyalärendäge, küp ölkälärdä uñışlarga ireşkän, Tatarstan Respublikası rayonnarı, mäktäpläre, Rossiya töbäkläre ukuçıları, aktiwistları, Sälät berläşmäseneñ rayon mäktäp klubları liderları katnaşaçak», – dip bilgeläp ütte «Sälätle cäy» üzäge citäkçese Igor Smirnow.

«ICAT BILÄR FORUM smenası kısalarında tematik laboratoriyalär oeştırılaçak, alarda katnaşuçılar, ostazlar belän bergä, yaña icadi proektlar äzerläyaçäklär häm alarnı täkdim itäçäk», – dip söyläde Wenera Galimowa. –Laboratoriyalärdä katnaşmauçı balalar öçen tematik master-klasslar uzaçak».

Bu elnıñ yañalıgı bulıp smenada katnaşuçı kollektiw citäkçeläre öçen maxsus belem birü programması toraçak.

Öçençe smena SOTsIAL KÜNEKMÄLÄR BILÄR FORUM kısalarında Sälät «Asıltaş» mäktäbe ukuçıları öçen «Asıl gailä» proektı oeştırılaçak.

Bıel Bilärdäge forumga Tatarstannıñ atkazangan artistı, «Golos» proektı finalistı Elmira Kälimullina, VKnıñ sotsial ähämiyatle proektları yunäleşe citäkçese Denis Petrakow, «Altın bitlek» milli teatr premiyase iyase Nurbäk Batulla, näfis gimnastika buença sport masterı Anastasiya Fättaxowa, Tatarstannıñ atkazangan artistı, G. Kamal isemendäge Tatar däülät Akademiya teatrı artistı Rişat Äxmädullin, kreatiw prodyuser Waleriya Kim, xoreograf, «Tantsı» proektı katnaşuçısı Anna Deltsowa, Tatarstannıñ atkazangan artistı, «Sozwezdie-Yoldızlık» Art-rezidentsiyaseneñ gamälgä kuyuçı rejisserı Marina Yaselskaya, cämägat eşleklese häm bloger Alinä Gimaltdinowa, rejissyor häm stsenariy awtorı Timofey Şaragin häm başkalar kilüe kötelä.

Här telägän keşe, öennän çıkmıyça gına, forumnıñ onıtılmaslık moxitenä çuma alaçak. «Canlı Sälät» (SeletLive) unikal proektı Bilär territoriyasendä bargan wakıygalarnı küzätergä, yañalıklar belän onlayn-rejimda tanışırga mömkinlek biräçäk. Translyatsiyalär Sälätneñ «WKontakte» häm YouTubetagı räsmi akkauntlarında alıp barılaçak.

Forum – Tatarstannıñ yöze bulgan proektlarnıñ berse, Rossiya territoriyasendä dä, anıñ çiklärendä dä kiñ tanılu algan istälekle wakıyga. Ul belem birü häm IT-texnologiyalär ölkäsendäge täcribä häm ideyalär belän urtaklaşu, şäxsi häm hönäri sıyfatlarnı üsterü, iñ ähämiyatle dönyaküläm fänni-texnologik häm sotsial trendlar belän tanışu platforması.

Forumnıñ ideyase – intellektual, icat belän kızıksınuçı, mädäni häm ruxi yaktan kamilläşergä teläüçe yaşlärne berläşterüçe üseş moxite buldıru.

Smenalarnıñ ütkärelü wakıtı:

HÖNÄRLÄR BILÄR FORUM –  26.06-30.06

ICAT BILÄR FORUM – 03.07-08.07

SOTsIAL KÜNEKMÄLÄR BILÄR FORUM – 11.07-16.07

MEDIA BILÄR FORUM – 20.07-26.07

MÄGLÜMATI TEXNOLOGIYaLÄR BILÄR FORUM – 28.07-01.08

LIDERLIK BILÄR FORUM – 04.08-08.08