«Asıltaşlar» Sälät Yortında ← kire kaytirga

Köçle professionallar, küp telle moxit - barısı da Sälät mäktäbe turında. «Asıltaş» Sälät mäktäbe üz eşen äle başlap kına cibärde, häm 11 nçe sentyabr könne berençe sıynıf ukuçıları, alarnıñ äti-äniläre Sälät Yortı belän tanıştı.

Oçraşu ekskursiyadän başlandı, anı Sälät klubı prezidentı Timerxan Şäyxetdinow ütkärde. Sälät dönyası belän äle tanışa gına başlagan bäläkäçlär häm alarnıñ äti-äniläre proektlar turında tıñladılar. Fotolardan Sälät eşçänlegen başlap cibärüçelär, oeşmanıñ tarixı turında beldelär häm, älbättä, Sälät printsipların da işettelär.

«Sälät» yaşlär üzäge direktorı Aygöl Gabdraxmanowa kunaklarnı oeşmanıñ eşçänlege belän tanıştırdı. «Bu yort - sälkeşlär, äydamannar, başcitäklär öçen buldırılgan bina. Häm xäzer ul işeklären sezneñ öçen dä açıp cibärde. Täülekneñ 24 sägatendä, atnanıñ 7 könendä häm el däwamında bez sezne monda kötäbez!» - dip äti-änilärne sälamläde ul.

Zamança texnologiyalär yardämendä bez başka şähärlär häm illär belän elemtädä! «Asıltaş» ukuçıları häm alarnıñ gailäläre belän Sälät proektları citäkçese Ädip Älmir dä tanıştı. Skayp aşa elemtägä kerep, ul Sälät Yortı kunaklarınıñ mäktäp turında fikerlären tıñladı, berençe uku elında uñışlar teläde.

Ekskursiyadän soñ äti-änilär cıelışı uzdırıldı. Balalar şulay uk «Şähär panoraması» muzeenda da buldı.