BELEM DÖNYaSINA BERENÇE ADIM! ← kire kaytirga

1 sentyabr – Belem köne – Sälät öçen ikelätä bäyräm! Bügen «Asıltaş» mäktäbeneñ 1 nçe «Ä» sıynıfına ukırga 20 bala kerde! 

Mäktäp busagası aşa täüge adımnarın yasauçılarnı kotlarga Tatarstan Respublikası yaşlär eşläre ministrınıñ berençe urınbasarı Timur Söläymanow, Tatarstan Mägarif häm fän ministrlıgınıñ Milli mägarif bülege mödire Ence Gıyzzätullina, Kazan şähäre başkarma komitetı Mägarif idaräseneñ baş belgeçe Räyxana Bahawiewa, «Sälät» Fondınıñ Popeçitellär sowetı ägzası, «Sälät-Batır» kommertsiyaçel bulmagan oeşma direktorı Cälil Söläymanow kilde. 

«Bügen xis-kiçereşlär tulı bäyräm: ber yaktan söeneç, şatlık kiçersäk, ikençe yaktan bu kön bezneñ öçen bik dulkınlandırgıç! Berençelär aldında bügen ör-yaña zur dönya açıla», – dip başladı Timur abıy Söläymanow süzen. Sälät häm 51 nçe nomerlı mäktäp arasındagı duslık ukuçılar öçen zur mömkinleklär barlıkka kiterüen iskärtep uzdı ul. «Şuşı barlık buldırılgan mömkinleklärne kullanıgız. Belemgä, yañalıkka omtılıgız, kızıksınuçan bulıgız!» digän teläklären citkerde. 

Tatarstan Mägarif häm fän ministrlıgınıñ Milli mägarif bülege mödire Ence Gıyzzätullina asıltaşlarga zur ömetlär baglawı turında äytte. «Bezneñ millätebezgä çın mägnäsendä zıyalılar, belgeçlär, galimnär bik kiräk. Häm sez alarnıñ safların tulılandırırsız dip ışanam. Sez – bezneñ kiläçägebez, ömetebez» – dide ul üz çıgışında.

1 nçe «Ä»neñ sıynıf citäkçese Alinä Gatiyatullina balalar belän inde cäy tämamlangançı uk tanışırga ölgergän. «Ukuçılar bik aktiw, şat küñelle, yañalıkka açık, şuña da urtak telne bik tiz taptık, – di ul. – Uku elına plannar zur. Berençe çiratta, aldıbızda balalarga yaña mäktäp tormışına caylaşırga yardäm itü burıçı tora. Monıñ öçen Sälät komandası üz eşläreneñ ostası bulgan häm, iñ möhime, balalarnı yaratuçı pedagoglarnı saylap aldı. Ukuçılar öçen kızıklı däreslär, törle yunäleşlär buença ostaxanälär bulaçak».

Şulay uk el däwamında äydamannar, «Asıltaş» tyutorları balalar belän bergä başka bik küp törle çaralar da ütkärergä cıena. Ukuçılar häm äti-änilär öçen küçmä belem birü sessiyaläre, teatrlarga, muzeylarga barular bulaçak. Alar Sälät berläşmäseneñ törle proektlarında häm çaralarında katnaşaçaklar, şul räweşle belemnären tiränäytep, yaña täcribä tuplayaçak.

Bäyräm turıtayagı icadi nomerlar belän däwam itte. Berençe karlıgaçlar – xäzerge 2 nçe «Ä» sıynıfı ukuçıları äti-äni häm ukıtuçılarnı «Asıltaş» gimnı belän sälamläde. Berençelär dä bu dulkınlandırgıç köngä äzerlänep kilgän. Alıp baruçı Islam abıy Waleew belän berlektä alar muzıkal bitka üzläreneñ sörännären söyläp kürsätte. 

Ukuçılar öçen interaktiw uennar da äzerlängän ide. Ä Sälätneñ dustı – Ilnaz abıy Safiullin bäyräm uñaennan ukuçılar, äti-äni häm ukıtuçılarga cır büläk itte.