Sälät citäkçeläre öçen küçmä mäktäp ← kire kaytirga

27–28-nçe gıynwar könnärendä «Baytik» balalar sälamätländerü üzägendä Sälät citäkçeläre öçen küçmä mäktäp oeştırıla.

Citäkçelär mäktäbe – ul Sälät cäyge profil alannarın tormışka aşıru öçen berdäm, professional komandanı formalaştıruga yunältelgän möhim proekt. El däwamında proekt kısalarında tübändäge yunäleşlär buença ukıtu alıp barıla:  sälätle balalar, komanda, eş kägazläre belän eşli belü, profille alan programmasın tözü h.b.

Küçmä mäktäptä alannarnıñ häm forumnarnıñ bulaçak direktorları häm ölkän äydamannarı katnaşa. Bu yunäleştä eşläü buença kübeseneñ zur täcribäse bar. Iñ möhime – ul balalarga häm Sälätkä karata mäxäbbät. Sälät alannarında üzläre sälkeş bulıp, älege moxittä tärbiyalänep, alar xäzer üzläre balalar öçen onıtılmas mizgellär büläk itergä telilär.

Sälät cäyge kampaniyaseneñ komandası belän härdaim ukıtu eşçänlege alıp barıla. Küçmä mäktäp – uku-ukıtu protsessınıñ çirattagı baskıçı. Anıñ aşa citäkçeneñ ideal portretın tözergä, komandanı tuplarga, stresska karşı tora alu ısulların kullanırga, belgeçlär belän pedagogik situatsiyalärne xäl itergä öyränälär.