X-nçı yubiley cıen! ← kire kaytirga

20-nçe awgust könne, «Sälät-Iske Kazan» alanı kısalarında zur milli bäyräm – X Respublikaküläm «Iske Kazan cıenı» festiwale uzdırıldı. Çarada 400-gä yakın eget-kızlar katnaştı: «Sälät-Şäxes», «Sälät-Imänkäy», «Sälät-Iske Kazan» alannarı sälkeşläre häm festiwal kunakları.  

Programma yardämendä yaş buın milli hönärlär turında belä, alarnı öyränä aldı. Şulay uk cıennıñ programması yaşlärneñ igtibarın hönäri professiyalärgä cälep itügä dä yunälderelgän. Festiwal balalar häm yaşlär arasındagı WorldSkills dönyaküläm standartlarına nigezlänep alıp barıla.

Räsmi açılış tantanasında Tatarstan Respublikası Yaşlär eşläre ministrınıñ berençe urınbasarı Timur Söläymanow; sotsial mäsälälär buença Biektau rayonı başlıgı urınbasarı Rinat Sabircanow; «Tattelekom» cämgıyate general direktorınıñ gomumi soraular buença urınbasarı Röstäm Gomärow; «Cihangirlar» initsiatiw törkemeneñ citäkçese, Sälät alanınıñ berençe direktorı Xälil Gaynetdinow; tarix fännäre doktorı Rail Fäxretdinow; prozaik, Musa Cälil premiyase laureatı, «Kazan utları» jurnalı baş möxärrire Röstäm Galiullin; Gabdulla Tukay premiyase laureatı Gazinur Morat; Abdulla Aliş premiyase laureatı Wakif Nuriew; Gabdulla Tukay premiyase laureatı Kamil Kärimow häm «Sälät» yaşlär üzäge direktorı Aygöl Gabdraxmanowa katnaştılar.

Açılu tantanasınnan soñ icadi ostaxanälär häm oçraşular başlanıp kitte. Biredä balalar berniçä törkemgä bülenep, üzläreneñ küñellärenä turı kilgän çaralarga taralaştılar. Alar arasında: zamança tatar cırları, poeziya, kalligrafiya, floristika kebek ostaxanälär bar ide. Mäsälän, balalarnı kün mozaika serläre belän Albina Gilyazeewa tanıştırdı.Sälät allannarı belän daimi räweştä aralaşuçı «Milli» çäçäklär studiyase floristları sälkeşlärne häm kunaklarnı çäçäk törlären aerırga öyrätte, alardan nindi kompozitsiyalär yasap bulganın kürsätte häm añlattı. Ä menä tatar cırları turında, şou bizneska niçegräk kerergä turında «Altın Bars» premiyase laureatı cırçı Ramil Zakirow söyläde.

Älbättä, Sälätne sportsız häm goref-gadätlärsez dä küz aldına kiterep bulmıy. Şul säbäple, älege mäydanda zur, çın sabantuy da buldırıldı.

Festiwal zur kontsert belän tögällände. Biredä alannar üz biyulären täkdim ittelär. Här katnaşuçı üzeneñ icadi ostalıgın da kürsätä ala ide. Sälät – çınnan da, mömkinleklär moxite!