Ilem ← кире кайтырга
«Sälät — Ilem» - çuwaş telen häm mädäniyaten öyränügä yunälderelgän cäyge profille Sälät alanı.
Smenada sälkeşlär çuwaş xalkınıñ bay mirası, anıñ goref-gadätläre belän tanışa, traditsion hönärlärgä häm xalık uennarına öyränä.
Alannıñ töp maksatı - balalarnıñ çuwaş telen häm mädäniyaten öyränüe, mädäniyatlärneñ häm tellärneñ küptörlelegen añlawın häm xörmät itüen formalaştıru öçen şartlar tudıru.
Bay, mawıktırgıç programma sälkeşlärgä çuwaş mädäniyate belän tanışu gına tügel, icadi, akıl sälätlären üsterü, şäxsi potentsialların açu mömkinlege dä birä.
Alannıñ yunäleşe kısalarında katnaşuçılar öçen tübändäge däreslär häm ostaxanälär uzdırıla:
- çuwaş tele;
- çuwaş mädäniyate tarixı;
- çuwaş ädäbiyatı;
- çuwaş grammatikası;
- çuwaş xalık bizänü äyberläre yasau;
- xalık xoreografiyase;
- tiz uku.
Däreslärdän tış, balalar öçen icadi-mädäni programma, çuwaş xalkı wäkilläre, zamança sängat, fän häm mägarif eşlekleläre belän oçraşular karalgan.
Yaşäü şartları: 3 katlı yaşäü korpusı, 4 keşelek bülmälär, giena zonaları här bülmädä dä urnaşkan.
Tuklanu: könenä 5 märtäbä
Sport mäydançıkları: sportzal, mini-futbol öçen mäydançık, basketbol häm woleybol mäydançıgı
Icat öçen mäydançıklar: tawış yazdıru studiyase, xoreografiya zalı, teatr zalı, räsem yasau öçen ART zona, kitapxanä, aktlar zalı, 3 uku bülmäse.
Bez sotsial çe
ltärlärdä:
