«Илһам - Вдохновение» V ачык хор фестивале

«Ilham - Wdoxnowenie» açık xor festiwale berençe tapkır 2015-nçe elda Tatarstan Respublikasınıñ «Sälät» yaşlär ictimagıy fondı, «Sälät» Klubı häm «D'art xor-studiyase» belän berlektä ütkärelde.

Festiwalneñ maksatı – tatar muzıkal mirasın saklau häm üsterü, yaşlärdä klassik başkaru traditsiyalärenä häm xorda cırlau sängatenä mäxäbbät tärbiyaläü.

Festiwalneñ burıçları:

- yaşlärgä icadi yaktan açılu öçen şartlar tudıru;

- balalarda häm yaşlärdä tatar häm dönya muzıkası mädäniyate traditsiyalärenä kızıksınu uyatu;

- klassik muzıka beleme birüne tanıtu;

- tatar muzıkal mädäniyateneñ iñ yaxşı ürnäklären häm zamança awtorlarnıñ igtibarga laeklı äsärlären tanıtu;

- xor kollektiwları arasında icadi elemtä buldıru, başkaru häm pedagoglık täcribäse, şulay uk eksperimental eş täcribäse belän urtaklaşu öçen şartlar tudıru;

- häwäskär xor kollektiwlarına bulışlık kürsätü;

- sälätle yaşlärne açu häm alarga kiläçäktä üsärgä yardäm itü.

Festiwaldä Tatarstan Respublikasınıñ häwäskär (professional bulmagan) häm öyränçek xor kollektiwları katnaşa ala. Monıñ öçen Nigezlämädä kürsätelgän wakıtka kadär gariza tapşırırga kiräk.