«Сәләт ВикиМәктәбе»

Bügenge köndä bezneñ härberebez dä internet häm Wikipediya belän kullana. Älege internet-entsiklopediyagä barlık keşe dä üz öleşen kertä ala. Entsiklopediya şaktıy küp tellärdä alıp barıla, şulay uk tatarça da. Bezneñ oeşmabıznıñ töp maksatları tugan tatar telne saklau häm üsterü bulganlıktan, 2016-nçı elda Färhad abıy Fätkullin initsiatiwası belän «Sälät WikiMäktäbe» proektı barlıkka kilä.Proekt üz eşçänlegen 2016-nçı elda başlap cibärä.

«XXI gasırda barlık möhim bulgan mäglümat törle internet-resurslarda saklana. Asılda, mäglümatnıñ nindider teldä buluı, aeruça Wikimedia proektında bulgan oçrakta – telneñ üseşenä kiterä. Tatar telle balalarnı Wikipediya, Wikixäbärlärgä cälep itär öçen, 2016-nçı eldan başlap törle proekt çaraların oeştıram», assızıkladı proekt citäkçese Timerxan Şäyxetdinow. 

«Sälät WikiMäktäbe»neñ töp maksatları: 

- Tatar telle yaşlärne Wikimedia proektları birä torgan mömkinleklärne kullanuga öyrätü; 

- Wikimedia platformasın Sälätneñ proektlarına kertü; 

- XXI gasır tatar telle intelligentsiyasenä nigez salu; 

Proekt kısalarında uku-ukıtu programması karalgan. 
Soñınnan programmanı uzgan katnaşuçılar öçen praktika çorı başlana, häm ul kiläse punktlardan gıybarät: 

- Dönyanıñ törle poçmaklarında uzuçı Wiki çaralarında buşlay katnaşu mömkinlege; 

- «Sälät WikiMäktäbe» kursların ütüne raslauçı Wikimedia tanıklıgın alu; 

- Ber el däwamında Wikixäbärlär portalına mäkalälär yazıp torgan oçrakta, katnaşuçıga jurnalist tanıklıgı birelü;

- Tatarstan mädäni obektları buença wiki-säfärlär katnaşuçı bulu mömkinlege.

2019-nçı elnıñ mart aenda Sälät WikiMäktäbeneñ yazgı uku-ukıtu sessiyase kısalarında küçmä seminar planlaştırıla.

Nigezlämä