«Яшь йөрәкләр» театр лабораториясе

«Yaş yöräklär» teatr laboratoriyase Tatarstan Respublikasınıñ «Sälät» yaşlär ictimagıy fondı tarafınnan Yaşlär minstrlıgı karşındagı DBU «Sälät» yaşlär üzäge belän berlektä tormışka aşırıla.

Laboratoriyaneñ maksatı - kiläçäk buınga ruxi häm äxlakıy-estetik tärbiya birü, yaşlärneñ icadi sälätlären açıklau häm üsterü, alarnı xuplau.

Laboratoriya üz aldına tübändäge burıçlarnı kuya:

- yaşlärneñ icadi mömkinleklären tormışka aşıru öçen şartlar tudıru;

- balalarda häm yaşlärdä tatar teatr mädäniyatenä kızıksınu uyatu;

- yaş buınnı tatar teatr mädäniyate kıymmätlärenä cälep itü;

- ukuçılarnıñ tanıp belü eşçänlegen aktiwlaştırunıñ yaña ısulların ezläü, alarnıñ üz xalkınıñ mädäni mirasına kızıksınuı, teatr sängate yardämendä ruxi-äxlakıy kıymmätlärne kabul itüenä etärgeç birü;

- yaşlärneñ icadi üseşe öçen şartlar tudıru;

- icadi täcribä almaşu aşa akterlık ostalıgı däräcäsen kütärü;

- yaşüsmerlärneñ hönäri orientatsiyasen bilgeläügä yardäm itü.

- sälätle yaşlär arasında yaña isemnär açu häm alarnıñ üseşenä yardäm itü.

Laboratoriyadä maxsus teatral beleme bulgan yaki üzeşçän (professional bulmagan), gariza birep telägen beldergän mäktäp ukuçıları häm yugarı uku yortları studentları, şulay uk başka uçrejdenielärdä belem algan, yaki xezmät itkän yaşlär katnaşa ala.

Laboratoriyadä katnaşırga teläüçelär 2023 elnıñ 30 sentyabrenä kadär selet.biz saytında kürsätelgän formada gariza cibärergä tieş.